Library·Atharvaveda Saṃhitā (Śaunaka)·19·19.11
शं नः सत्यस्य पतयो भवन्तु शं नो अर्वन्तः शम् उ सन्तु गावः । शं न ऋभवः सुकृतः सुहस्ताः शं नो भवतु पितरो हवेषु ॥१॥
śaṃ naḥ satyasya patayo bhavantu śaṃ no arvantaḥ śam u santu gāvaḥ | śaṃ na ṛbhavaḥ sukṛtaḥ suhastāḥ śaṃ no bhavatu pitaro haveṣu ||1||
Weal for us be the lords of truth; weal for us the coursers and weal be the kine; weal for us the Ṛibhus, well-doers, having good hands; weal for us be the Fathers at our invocations.
Translated by William Dwight Whitney (1905)
शं नो देवा विश्वदेवा भवन्तु शं सरस्वती सह धीभिर् अस्तु । शम् अभिषाचः शम् उ रातिषाचः शं नो दिव्याः पार्थिवाः शं नो अप्याः ॥२॥
śaṃ no devā viśvadevā bhavantu śaṃ sarasvatī saha dhībhir astu | śam abhiṣācaḥ śam u rātiṣācaḥ śaṃ no divyāḥ pārthivāḥ śaṃ no apyāḥ ||2||
Weal for us be the gods, the all-gods; weal be Sarasvatī with the prayers (dhī́); weal the followers (? abhiṣác) and weal the gift-following (rātiṣác); weal for us they of the sky, they of the earth, weal for us they of the waters.
Translated by William Dwight Whitney (1905)
शं नो अज एकपाद् देवो अस्तु शम् अहिर् बुध्न्यः शं समुद्रः । शं नो अपां नपात् पेरुर् अस्तु शं नः पृष्णिर् भवतु देवगोपा ॥३॥
śaṃ no aja ekapād devo astu śam ahir budhnyaḥ śaṃ samudraḥ | śaṃ no apāṃ napāt perur astu śaṃ naḥ pṛṣṇir bhavatu devagopā ||3||
Weal for us be the divine (devá) one-footed goat (ajá ékapad), weal the bottom snake (áhi budhnyà), weal the ocean; weal for us be Peru, grandson of the waters (apā́ṁ nápāt); weal for us be the spotted one (pṛ́çni), guarded by the gods.
Translated by William Dwight Whitney (1905)
आदित्या रुद्रा वसवो जुषन्ताम् इदं ब्रह्म क्रियमाणं नवीयः । सृण्वन्तु नो दिव्याः पार्थिवासो गोजाता उत ये यज्ञियासः ॥४॥
ādityā rudrā vasavo juṣantām idaṃ brahma kriyamāṇaṃ navīyaḥ | sṛṇvantu no divyāḥ pārthivāso gojātā uta ye yajñiyāsaḥ ||4||
Let the Ādityas, the Rudras, the Vasus enjoy this very new worship (bráhman) as it is performed; let there hear us them of the sky, them of the earth, also the kine-born, who are worshipful.
Translated by William Dwight Whitney (1905)
ये देवानाम् ऋत्विजो यज्ञियासो मनोर् यजत्रा अमृता ऋतज्ञाः । ते नो रासन्ताम् उरुगायम् अद्य यूयं पात स्वस्तिभिः सदा नः ॥५॥
ye devānām ṛtvijo yajñiyāso manor yajatrā amṛtā ṛtajñāḥ | te no rāsantām urugāyam adya yūyaṃ pāta svastibhiḥ sadā naḥ ||5||
They who are the worshipful priests (ṛtvíj) of the gods, to be worshiped of man (mánu), immortal, right-knowing—let them bestow on us today wide passage (urugāyá): do ye protect us ever with blessings.
Translated by William Dwight Whitney (1905)
तद् अस्तु मित्रावरुणा तद् अग्ने शं योर् अस्मभ्यम् इदम् अस्तु शस्तम् । अशीमहि गाधम् उत प्रतिष्ठां नमो दिवे बृहते सादनाय ॥६॥
tad astu mitrāvaruṇā tad agne śaṃ yor asmabhyam idam astu śastam | aśīmahi gādham uta pratiṣṭhāṃ namo dive bṛhate sādanāya ||6||
Be it so, O Mitra-and-Varuṇa, so, O Agni: weal [and] profit for us be this praise (çastá); may we reach sounding (gādhá) and firm standing; homage to the great sky, [our] seat.
Translated by William Dwight Whitney (1905)