Library·Atharvaveda Saṃhitā (Śaunaka)·19·19.13

Atharvaveda Saṃhitā (Śaunaka) 19.13

इन्द्रस्य बाहू स्थविरौ वृषाणौ चित्रा इमा वृषभौ पारयिष्णू । तौ योक्षे प्रथमो योग आगते याभ्यां जितम् असुराणां स्वर् यत् ॥१॥

indrasya bāhū sthavirau vṛṣāṇau citrā imā vṛṣabhau pārayiṣṇū | tau yokṣe prathamo yoga āgate yābhyāṃ jitam asurāṇāṃ svar yat ||1||

Indra's two arms [are] stout, virile (vṛ́ṣan), these two wondrous successful bulls; them will I first yoke when the conjuncture (yóga) arrives—they by which was conquered the heaven (svàr) that is the Asuras'.

Translated by William Dwight Whitney (1905)

आशुः शिशानो वृषभो न भीमो घनाघनः क्षोभणश् चर्षणीनाम् । संक्रन्दनो ऽनिमिष एकवीरः शतं सेना अजयत् साकम् इन्द्रः ॥२॥

āśuḥ śiśāno vṛṣabho na bhīmo ghanāghanaḥ kṣobhaṇaś carṣaṇīnām | saṃkrandano 'nimiṣa ekavīraḥ śataṃ senā ajayat sākam indraḥ ||2||

Swift, sharp, terrible like a bull, greatly smiting, disturber of men (carṣaṇí), roaring, unwinking, sole hero, Indra conquered a hundred armies together.

Translated by William Dwight Whitney (1905)

संक्रन्दनेनानिमिषेण जिष्णुनायोध्येन दुश्च्यवनेन धृष्णुना । तद् इन्द्रेण जयत तत् सहध्वं युधो नर इषुहस्तेन वृष्णा ॥३॥

saṃkrandanenānimiṣeṇa jiṣṇunāyodhyena duścyavanena dhṛṣṇunā | tad indreṇa jayata tat sahadhvaṃ yudho nara iṣuhastena vṛṣṇā ||3||

With the roaring, unwinking, conquering, invincible, immovable, bold one—with Indra thus conquer, thus overpower the fighters, O men, with the arrow-armed bull (vṛ́ṣan).

Translated by William Dwight Whitney (1905)

स इषुहस्तैः स निषङ्गिभिर् वशी संस्रष्टा स युध इन्द्रो गणेन । संसृष्टजित् सोमपा बाहुशर्ध्य् उग्रधन्वा प्रतिहिताभिर् अस्ता ॥४॥

sa iṣuhastaiḥ sa niṣaṅgibhir vaśī saṃsraṣṭā sa yudha indro gaṇena | saṃsṛṣṭajit somapā bāhuśardhy ugradhanvā pratihitābhir astā ||4||

He with the arrow-armed, he with the quiver-hung, [is] controller; he, Indra with his train, brings together the fighters—[he,] conquering those brought together, soma-drinker, defiant with his arms, of formidable bow, shooting with fitted [arrows].

Translated by William Dwight Whitney (1905)

बलविज्ञायः स्थविरः प्रवीरः सहस्वान् वाजी सहमान उग्रः । अभिवीरो अभिषत्वा सहोजिज् जैत्रम् इन्द्र रथम् आ तिष्ठ गोविदम् ॥५॥

balavijñāyaḥ sthaviraḥ pravīraḥ sahasvān vājī sahamāna ugraḥ | abhivīro abhiṣatvā sahojij jaitram indra ratham ā tiṣṭha govidam ||5||

To be known by his strength, stout, foremost hero, powerful, vigorous (vājín), overpowering, formidable, excelling heroes, excelling warriors, conquering with power—mount, O Indra, the victorious kine-winning chariot.

Translated by William Dwight Whitney (1905)

इमं वीरम् अनु हर्षध्वम् उग्रम् इन्द्रं सखायो अनु सं रभध्वम् । ग्रामजितं गोजितं वज्रबाहुं जयन्तम् अज्म प्रमृणन्तम् ओजसा ॥६॥

imaṃ vīram anu harṣadhvam ugram indraṃ sakhāyo anu saṃ rabhadhvam | grāmajitaṃ gojitaṃ vajrabāhuṃ jayantam ajma pramṛṇantam ojasā ||6||

Be ye excited after this formidable hero; take hold, O companions, after Indra, the troop-conqueror, kine-conqueror, thunderbolt-armed, conquering in the race, slaughtering with force.

Translated by William Dwight Whitney (1905)

अभि गोत्राणि सहसा गाहमानो ऽदाय उग्रः शतमन्युर् इन्द्रः । दुश्च्यवनः पृतनाषाड् अयोध्यो ऽस्माकं सेना अवतु प्र युत्सु ॥७॥

abhi gotrāṇi sahasā gāhamāno 'dāya ugraḥ śatamanyur indraḥ | duścyavanaḥ pṛtanāṣāḍ ayodhyo 'smākaṃ senā avatu pra yutsu ||7||

Plunging with power into the cow-stalls, Indra, pitiless, formidable, of hundred-fold fury, immovable, overpowering fighters, invincible—let him favor our armies in the fights.

Translated by William Dwight Whitney (1905)

बृहस्पते परि दीया रथेन रक्षोहामित्रां अपबाधमानः । प्रभञ्जं छत्रून् प्रमृणन्न् अमित्रान् अस्माकम् एध्य् अविता तनूनाम् ॥८॥

bṛhaspate pari dīyā rathena rakṣohāmitrāṃ apabādhamānaḥ | prabhañjaṃ chatrūn pramṛṇann amitrān asmākam edhy avitā tanūnām ||8||

O Bṛihaspati, fly about with thy chariot, demon-slaying, forcing away our enemies; breaking up our foes, slaughtering our enemies, be thou the helper of ourselves.

Translated by William Dwight Whitney (1905)

इन्द्र एषां नेता बृहस्पतिर् दक्षिणा यज्ञः पुर एतु सोमः । देवसेनानाम् अभिभञ्जतीनां जयन्तीनां मरुतो यन्तु मध्ये ॥९॥

indra eṣāṃ netā bṛhaspatir dakṣiṇā yajñaḥ pura etu somaḥ | devasenānām abhibhañjatīnāṃ jayantīnāṃ maruto yantu madhye ||9||

Indra [be] their leader; let Bṛihaspati, the sacrificial gift, the sacrifice, soma, go in front; in the midst of the smashing conquering armies of the gods let the Maruts go.

Translated by William Dwight Whitney (1905)

इन्द्रस्य वृष्णो वरुणस्य राज्ञ आदित्यानां मरुतां शर्ध उग्रम् । महामनसां भुवनच्यवानां घोषो देवानां जयताम् उद् अस्थात् ॥१०॥

indrasya vṛṣṇo varuṇasya rājña ādityānāṃ marutāṃ śardha ugram | mahāmanasāṃ bhuvanacyavānāṃ ghoṣo devānāṃ jayatām ud asthāt ||10||

Of Indra the bull (vṛ́ṣan), of king Varuṇa, of the Ādityas, of the Maruts, the spirit (çárdhas) [is] formidable; the noise of the great-minded, creation-stirring, conquering gods hath arisen.

Translated by William Dwight Whitney (1905)

अस्माकम् इन्द्रः समृतेषु ध्वजेष्व् अस्माकं या इषवस् ता जयन्तु । अस्माकं वीरा उत्तरे भवन्त्व् अस्मान् देवासो ऽवता हवेषु ॥११॥

asmākam indraḥ samṛteṣu dhvajeṣv asmākaṃ yā iṣavas tā jayantu | asmākaṃ vīrā uttare bhavantv asmān devāso 'vatā haveṣu ||11||

Indra [is] ours when the banners meet [in conflict]; let the arrows that are ours conquer; let our heroes be superior; us, O gods, aid ye at the invocations.

Translated by William Dwight Whitney (1905)