Library·Atharvaveda Saṃhitā (Śaunaka)·19·19.34
जाङ्गिडो ऽसि जङ्गिडो रक्षितासि जङ्गिदः । द्विपाच् चतुष्पाद् अस्माकं सर्वं रक्षतु जङ्गिदः ॥१॥
jāṅgiḍo 'si jaṅgiḍo rakṣitāsi jaṅgidaḥ | dvipāc catuṣpād asmākaṃ sarvaṃ rakṣatu jaṅgidaḥ ||1||
Jan̄giḍá art though, jan̄giḍá; defender art thou, jan̄giḍá; what of ours is two-footed, four-footed—let jan̄giḍá defend it all.
Translated by William Dwight Whitney (1905)
या गृत्स्यस् त्रिपञ्चाशीः शतं कृत्याकृतश् च ये । सर्वान् विनक्तु तेजसो ऽरसां जङ्गिदस् करत् ॥२॥
yā gṛtsyas tripañcāśīḥ śataṃ kṛtyākṛtaś ca ye | sarvān vinaktu tejaso 'rasāṃ jaṅgidas karat ||2||
The witchcrafts that are thrice fifty, and the witchcraft-makers that are a hundred—may the jan̄giḍá make them all of vanished brilliancy (-téjas) [and] sapless.
Translated by William Dwight Whitney (1905)
अरसं कृत्रिमं नादम् अरसाः सप्त विस्रसः । अपेतो जङ्गिडामतिम् इषुम् अस्तेव शातय ॥३॥
arasaṃ kṛtrimaṃ nādam arasāḥ sapta visrasaḥ | apeto jaṅgiḍāmatim iṣum asteva śātaya ||3||
Sapless the artificial noise, sapless the seven that fall apart; away from here, O jan̄giḍá, make fall (çat) misery, as an archer (ástṛ) an arrow.
Translated by William Dwight Whitney (1905)
कृत्यादूषण एवायम् अथो अरातिदूषणः । अथो सहस्वाञ् जङ्गिडः प्र न आयुम्षि तारिषत् ॥४॥
kṛtyādūṣaṇa evāyam atho arātidūṣaṇaḥ | atho sahasvāñ jaṅgiḍaḥ pra na āyumṣi tāriṣat ||4||
A spoiler of witchcraft verily is this, likewise a spoiler of niggardry; likewise may the powerful jan̄giḍá lengthen out our life-times.
Translated by William Dwight Whitney (1905)
स जङ्गिडस्य महिमा परि णः पातु विश्वतः । विष्कन्धं येन सासह संस्कन्धम् ओज ओजसा ॥५॥
sa jaṅgiḍasya mahimā pari ṇaḥ pātu viśvataḥ | viṣkandhaṃ yena sāsaha saṃskandham oja ojasā ||5||
Let that greatness of the jan̄giḍá protect us all about, wherewith [it] overpowered the víṣkandha with force, [being] a counteracting force (?).
Translated by William Dwight Whitney (1905)
त्रिष् ट्वा देवा अजनयन् निष्ठितं भूम्याम् अधि । तम् उ त्वाङ्गिरा इति ब्राह्मणाः पूर्व्या विदुः ॥६॥
triṣ ṭvā devā ajanayan niṣṭhitaṃ bhūmyām adhi | tam u tvāṅgirā iti brāhmaṇāḥ pūrvyā viduḥ ||6||
Thrice the gods generated thee that art settled (ni-sthā) upon the earth; and Brahmans of old know thee thus as An̄giras by name.
Translated by William Dwight Whitney (1905)
न त्वा पूर्वा ओषधयो न त्वा तरन्ति या नवाः । विबाध उग्रो जङ्गिडः परिपाणः सुमङ्गलः ॥७॥
na tvā pūrvā oṣadhayo na tvā taranti yā navāḥ | vibādha ugro jaṅgiḍaḥ paripāṇaḥ sumaṅgalaḥ ||7||
Not the former herbs surpass thee, not thee the recent; a formidable dispeller [is] the jan̄giḍá, a protector round about, of good omen.
Translated by William Dwight Whitney (1905)
अथोपदान भगवो जाङ्गिडामितवीर्य । पुरा त उग्रा ग्रसत उपेन्द्रो वीर्यं ददौ ॥८॥
athopadāna bhagavo jāṅgiḍāmitavīrya | purā ta ugrā grasata upendro vīryaṃ dadau ||8||
So then when thou didst come into being, O jan̄giḍá, ⌊O thou⌋ of unmeasured heroism, Indra of old, O formidable one, ⌊in the beginning (agratás)⌋, gave unto thee heroism.
Translated by William Dwight Whitney (1905)
उग्र इत् ते वनस्पत इन्द्र ओज्मानम् आ दधौ । अमीवाः सर्वाश् चातयं जहि रक्षांस्य् ओषधे ॥९॥
ugra it te vanaspata indra ojmānam ā dadhau | amīvāḥ sarvāś cātayaṃ jahi rakṣāṃsy oṣadhe ||9||
To thee, O forest tree, the formidable Indra imparted (ā-dhā) formidableness; expelling all diseases (ámīvā), do thou smite the demons, O herb.
Translated by William Dwight Whitney (1905)
आशरीकं विशरीकं बलासं पृष्ट्यामयम् । तक्मानं विश्वशारदम् अरसां जङ्गिडस् करत् ॥१०॥
āśarīkaṃ viśarīkaṃ balāsaṃ pṛṣṭyāmayam | takmānaṃ viśvaśāradam arasāṃ jaṅgiḍas karat ||10||
The crusher, the burster, the balā́sa, the side-ache, the takmán of every autumn, may the jan̄giḍá make sapless.
Translated by William Dwight Whitney (1905)