Atharvaveda Saṃhitā (Śaunaka) 19.47

आ रात्रि पार्थिवं रजः पितुर् अप्रायि धामभिः । दिवः सदांसि बृहती वि तिष्ठस आ त्वेषं वर्तते तमः ॥१॥

ā rātri pārthivaṃ rajaḥ pitur aprāyi dhāmabhiḥ | divaḥ sadāṃsi bṛhatī vi tiṣṭhasa ā tveṣaṃ vartate tamaḥ ||1||

Sanskrit only: no published translation is held for this verse.

न यस्याः पारं ददृशे न योयुवद् विश्वम् अस्यां नि विशते यद् एजति । अरिष्टासस् त उर्वि तमस्वति रात्रि पारम् अशीमहि भद्रे पारम् अशीमहि ॥२॥

na yasyāḥ pāraṃ dadṛśe na yoyuvad viśvam asyāṃ ni viśate yad ejati | ariṣṭāsas ta urvi tamasvati rātri pāram aśīmahi bhadre pāram aśīmahi ||2||

Sanskrit only: no published translation is held for this verse.

ये ते रात्रि नृचक्षसो द्रष्टारो नवतिर् नव । अशीतिः सन्त्य् अष्टा उतो ते सप्त सप्ततिः ॥३॥

ye te rātri nṛcakṣaso draṣṭāro navatir nava | aśītiḥ santy aṣṭā uto te sapta saptatiḥ ||3||

Sanskrit only: no published translation is held for this verse.

षष्टिश् च षट् च रेवति पञ्चाशत् पञ्च सुम्नयि । चत्वारश् चत्वारिंशच् च त्रयस् त्रिंशच् च वाजिनि ॥४॥

ṣaṣṭiś ca ṣaṭ ca revati pañcāśat pañca sumnayi | catvāraś catvāriṃśac ca trayas triṃśac ca vājini ||4||

Sanskrit only: no published translation is held for this verse.

द्वौ च ते विंशतिश् च ते रात्र्य् एकादशावमाः । तेभिर् नो अद्य पायुभिर् नु पाहि दुहितर् दिवः ॥५॥

dvau ca te viṃśatiś ca te rātry ekādaśāvamāḥ | tebhir no adya pāyubhir nu pāhi duhitar divaḥ ||5||

Sanskrit only: no published translation is held for this verse.

रक्षा माकिर् नो अघशंस ईशत मा नो दुःशंस ईशत । मा नो अद्य गवां स्तेनो मावीनां वृक ईशत ॥६॥

rakṣā mākir no aghaśaṃsa īśata mā no duḥśaṃsa īśata | mā no adya gavāṃ steno māvīnāṃ vṛka īśata ||6||

Sanskrit only: no published translation is held for this verse.

माश्वानां भद्रे तस्करो मा नृणां यातुधान्यः । परमेभिः पथिभि स्तेनो धावतु तस्करः । परेण दत्वती रज्जुः परेणाघायुर् अर्षतु ॥७॥

māśvānāṃ bhadre taskaro mā nṛṇāṃ yātudhānyaḥ | paramebhiḥ pathibhi steno dhāvatu taskaraḥ | pareṇa datvatī rajjuḥ pareṇāghāyur arṣatu ||7||

Sanskrit only: no published translation is held for this verse.

अध रात्रि तृष्टधूमम् अशीर्षाणम् अहिं कृणु । हनू वृकस्य जम्भया स्तेनं द्रुपदे जहि ॥८॥

adha rātri tṛṣṭadhūmam aśīrṣāṇam ahiṃ kṛṇu | hanū vṛkasya jambhayā stenaṃ drupade jahi ||8||

Sanskrit only: no published translation is held for this verse.

त्वयि रात्रि वसामसि स्वपिष्यामसि जागृहि । गोभ्यो नः शर्म यछाश्वेभ्यः पुरुषेभ्यः ॥९॥

tvayi rātri vasāmasi svapiṣyāmasi jāgṛhi | gobhyo naḥ śarma yachāśvebhyaḥ puruṣebhyaḥ ||9||

Sanskrit only: no published translation is held for this verse.