Atharvaveda Saṃhitā (Śaunaka) 19.54

कालाद् आपः सम् अभवन् कालाद् ब्रह्म तपो दिशः । कालेनोद् एति सूर्यः काले नि विशते पुनः ॥१॥

kālād āpaḥ sam abhavan kālād brahma tapo diśaḥ | kālenod eti sūryaḥ kāle ni viśate punaḥ ||1||

Sanskrit only: no published translation is held for this verse.

कालेन वातः पवते कालेन पृथिवी मही । द्यौर् मही काल आहिता ॥२॥

kālena vātaḥ pavate kālena pṛthivī mahī | dyaur mahī kāla āhitā ||2||

Sanskrit only: no published translation is held for this verse.

कालो ह भूतं भव्यं च पुत्रो अजनयत् पुरा । कालाद् ऋचः सम् अभवन् यजुः कालाद् अजायत ॥३॥

kālo ha bhūtaṃ bhavyaṃ ca putro ajanayat purā | kālād ṛcaḥ sam abhavan yajuḥ kālād ajāyata ||3||

Sanskrit only: no published translation is held for this verse.

कालो यज्ञं सम् ऐरयद् देवेभ्यो भागम् अक्षितम् । काले गन्धर्वाप्सरसः काले लोकाः प्रतिष्ठिताः ॥४॥

kālo yajñaṃ sam airayad devebhyo bhāgam akṣitam | kāle gandharvāpsarasaḥ kāle lokāḥ pratiṣṭhitāḥ ||4||

Sanskrit only: no published translation is held for this verse.

काले ऽयम् अङ्गिरा देवो ऽथर्वा चाधि तिष्ठतः । इमं च लोकं परमं च लोकं पुण्यांश् च लोकान् विधृतीश् च पुण्याः । सर्वांल् लोकान् अभिजित्य ब्रह्मणा कालः स ईयते परमो नु देवः ॥५॥

kāle 'yam aṅgirā devo 'tharvā cādhi tiṣṭhataḥ | imaṃ ca lokaṃ paramaṃ ca lokaṃ puṇyāṃś ca lokān vidhṛtīś ca puṇyāḥ | sarvāṃl lokān abhijitya brahmaṇā kālaḥ sa īyate paramo nu devaḥ ||5||

Sanskrit only: no published translation is held for this verse.