Atharvaveda Saṃhitā (Śaunaka) 19.55

रात्रिंरात्रिम् अप्रयातं भरन्तो ऽश्वायेव तिष्ठते घासम् अस्मै । रायस् पोषेण सम् इषा मदन्तो मा ते अग्ने प्रतिवेशा रिषाम ॥१॥

rātriṃrātrim aprayātaṃ bharanto 'śvāyeva tiṣṭhate ghāsam asmai | rāyas poṣeṇa sam iṣā madanto mā te agne prativeśā riṣāma ||1||

Sanskrit only: no published translation is held for this verse.

या ते वसोर् वात इषुः सा त एषा तया नो मृड । रायस् पोषेण सम् इषा मदन्तो मा ते अग्ने प्रतिवेशा रिषाम ॥२॥

yā te vasor vāta iṣuḥ sā ta eṣā tayā no mṛḍa | rāyas poṣeṇa sam iṣā madanto mā te agne prativeśā riṣāma ||2||

Sanskrit only: no published translation is held for this verse.

सायंसायं गृहपतिर् नो अग्निः प्रातःप्रातः सौमनसस्य दाता । वसोर्वसोर् वसुदान एधि वयं त्वेन्धानास् तन्वं पुषेम ॥३॥

sāyaṃsāyaṃ gṛhapatir no agniḥ prātaḥprātaḥ saumanasasya dātā | vasorvasor vasudāna edhi vayaṃ tvendhānās tanvaṃ puṣema ||3||

Sanskrit only: no published translation is held for this verse.

प्रातःप्रातर् गृहपतिर् नो अग्निः सायंसायं सौमनसस्य दाता । वसोर्वसोर् वसुदान एधीन्धानास् त्वा शतंहिमा ऋधेम ॥४॥

prātaḥprātar gṛhapatir no agniḥ sāyaṃsāyaṃ saumanasasya dātā | vasorvasor vasudāna edhīndhānās tvā śataṃhimā ṛdhema ||4||

Sanskrit only: no published translation is held for this verse.

अपश्चा दग्धान्नस्य भूयासम् । अन्नादायान्नपतये रुद्राय नमो अग्नये । सभ्यः सभां मे पाहि ये च सभ्याः सभासदः ॥५॥

apaścā dagdhānnasya bhūyāsam | annādāyānnapataye rudrāya namo agnaye | sabhyaḥ sabhāṃ me pāhi ye ca sabhyāḥ sabhāsadaḥ ||5||

Sanskrit only: no published translation is held for this verse.

त्वाम् इन्द्रा पुरुहूत विश्वम् आयुर् व्य् अश्नवन् । अहरहर् बलिम् इत् ते हरन्तो ऽश्वायेव तिष्ठते घासम् अग्ने ॥६॥

tvām indrā puruhūta viśvam āyur vy aśnavan | aharahar balim it te haranto 'śvāyeva tiṣṭhate ghāsam agne ||6||

Sanskrit only: no published translation is held for this verse.