Atharvaveda Saṃhitā (Śaunaka) 19.7

चित्राणि साकं दिवि रोचनानि सरीसृपाणि भुवने जवानि । तुर्मिशं सुमतिम् इछमानो अहानि गीर्भिः सपर्यामि नाकम् ॥१॥

citrāṇi sākaṃ divi rocanāni sarīsṛpāṇi bhuvane javāni | turmiśaṃ sumatim ichamāno ahāni gīrbhiḥ saparyāmi nākam ||1||

Sanskrit only: no published translation is held for this verse.

सुहवम् अग्ने कृत्तिका रोहिणी चास्तु भद्रं मृगशिरः शम् आर्द्रा । पुनर्वसू सूनृता चारु पुष्यो भानुर् आश्लेषा अयनं मघा मे ॥२॥

suhavam agne kṛttikā rohiṇī cāstu bhadraṃ mṛgaśiraḥ śam ārdrā | punarvasū sūnṛtā cāru puṣyo bhānur āśleṣā ayanaṃ maghā me ||2||

Sanskrit only: no published translation is held for this verse.

पुण्यं पूर्वा फल्गुन्यौ चात्र हस्तश् चित्रा शिवा स्वाति सुखो मे अस्तु । राधे विशाखे सुहवानुराधा ज्येष्ठा सुनक्षत्रम् अरिष्ट मूलम् ॥३॥

puṇyaṃ pūrvā phalgunyau cātra hastaś citrā śivā svāti sukho me astu | rādhe viśākhe suhavānurādhā jyeṣṭhā sunakṣatram ariṣṭa mūlam ||3||

Sanskrit only: no published translation is held for this verse.

अन्नं पूर्वा रासतां मे अषाधा ऊर्जं देव्य् उत्तरा आ वहन्तु । अभिजिन् मे रासतां पुण्यम् एव श्रवणः श्रविष्ठाः कुर्वतां सुपुष्टिम् ॥४॥

annaṃ pūrvā rāsatāṃ me aṣādhā ūrjaṃ devy uttarā ā vahantu | abhijin me rāsatāṃ puṇyam eva śravaṇaḥ śraviṣṭhāḥ kurvatāṃ supuṣṭim ||4||

Sanskrit only: no published translation is held for this verse.

आ मे महच् छतभिषग् वरीय आ मे द्वया प्रोष्ठपदा सुशर्म । आ रेवती चाश्वयुजौ भगं म आ मे रयिं भरण्य आ वहन्तु ॥५॥

ā me mahac chatabhiṣag varīya ā me dvayā proṣṭhapadā suśarma | ā revatī cāśvayujau bhagaṃ ma ā me rayiṃ bharaṇya ā vahantu ||5||

Sanskrit only: no published translation is held for this verse.