Atharvaveda Saṃhitā (Śaunaka) 19.8

यानि नक्षत्राणि दिव्य् अन्तरिक्षे अप्सु भूमौ यानि नगेषु दिक्षु । प्रकल्पयंश् चन्द्रमा यान्य् एति सर्वाणि ममैतानि शिवानि सन्तु ॥१॥

yāni nakṣatrāṇi divy antarikṣe apsu bhūmau yāni nageṣu dikṣu | prakalpayaṃś candramā yāny eti sarvāṇi mamaitāni śivāni santu ||1||

Sanskrit only: no published translation is held for this verse.

अष्टाविंशानि शिवानि शग्मानि सह योगं भजन्तु मे । योगं प्र पद्ये क्षेमं च क्षेमं प्र पद्ये योगं च नमो ऽहोरात्राभ्याम् अस्तु ॥२॥

aṣṭāviṃśāni śivāni śagmāni saha yogaṃ bhajantu me | yogaṃ pra padye kṣemaṃ ca kṣemaṃ pra padye yogaṃ ca namo 'horātrābhyām astu ||2||

Sanskrit only: no published translation is held for this verse.

स्वस्तितं मे सुप्रातः सुसायं सुदिवं सुमृगं सुशकुनं मे अस्तु । सुहवम् अग्ने स्वस्त्य् अमर्त्यं गत्वा पुनर् आयाभिनन्दन् ॥३॥

svastitaṃ me suprātaḥ susāyaṃ sudivaṃ sumṛgaṃ suśakunaṃ me astu | suhavam agne svasty amartyaṃ gatvā punar āyābhinandan ||3||

Sanskrit only: no published translation is held for this verse.

अनुहवं परिहवं परिवादं परिक्षवम् । सर्वैर् मे रिक्तकुम्भान् परा तान्त् सवितः सुव ॥४॥

anuhavaṃ parihavaṃ parivādaṃ parikṣavam | sarvair me riktakumbhān parā tānt savitaḥ suva ||4||

Sanskrit only: no published translation is held for this verse.

अपपापं परिक्षवं पुण्यं भक्षीमहि क्षवम् । शिवा ते पाप नासिकां पुण्यगश् चाभि मेहताम् ॥५॥

apapāpaṃ parikṣavaṃ puṇyaṃ bhakṣīmahi kṣavam | śivā te pāpa nāsikāṃ puṇyagaś cābhi mehatām ||5||

Sanskrit only: no published translation is held for this verse.

इमा या ब्रह्मणस् पते विषुचीर् वात ईरते । सध्रीचीर् इन्द्र ताः कृत्वा मह्यं शिवतमास् कृधि ॥६॥

imā yā brahmaṇas pate viṣucīr vāta īrate | sadhrīcīr indra tāḥ kṛtvā mahyaṃ śivatamās kṛdhi ||6||

Sanskrit only: no published translation is held for this verse.

स्वस्ति नो अस्त्व् अभयं नो अस्तु नमो ऽहोरत्राभ्याम् अस्तु ॥७॥

svasti no astv abhayaṃ no astu namo 'horatrābhyām astu ||7||

Sanskrit only: no published translation is held for this verse.