Library·Atharvaveda Saṃhitā (Śaunaka)·2·2.13
आयुर्दा अग्ने जरसं वृणानो घृतप्रतीको घृतपृष्ठो अग्ने । घृतं पीत्वा मधु चारु गव्यं पितेव पुत्रान् अभि रक्षताद् इमम् ॥१॥
āyurdā agne jarasaṃ vṛṇāno ghṛtapratīko ghṛtapṛṣṭho agne | ghṛtaṃ pītvā madhu cāru gavyaṃ piteva putrān abhi rakṣatād imam ||1||
Giving life-time, O Agni, choosing old age; ghee-fronted, ghee-backed, O Agni—having drunk the sweet pleasant (cā́ru) ghee of the cow, do thou afterward defend (rakṣ) this [boy] as a father his sons.
Translated by William Dwight Whitney (1905)
परि धत्त धत्त नो वर्चसेमम् जरामृत्युं कृणुत दीर्घम् आयुः । बृहस्पतिः प्रायछद् वास एतत् सोमाय राज्ञे परिधातवा उ ॥२॥
pari dhatta dhatta no varcasemam jarāmṛtyuṃ kṛṇuta dīrgham āyuḥ | bṛhaspatiḥ prāyachad vāsa etat somāya rājñe paridhātavā u ||2||
Envelop, put ye him for us with splendor; make ye him one to die of old age; [make] long life; Brihaspati furnished (pra-yam) this garment unto king Soma for enveloping [himself].
Translated by William Dwight Whitney (1905)
परीदं वासो अधिथाः स्वस्तये ऽभूर् गृष्टीनाम् अभिशस्तिपा उ । शतं च जीव शरदः पुरूची रायश् च पोषम् उपसंव्ययस्व ॥३॥
parīdaṃ vāso adhithāḥ svastaye 'bhūr gṛṣṭīnām abhiśastipā u | śataṃ ca jīva śaradaḥ purūcī rāyaś ca poṣam upasaṃvyayasva ||3||
Thou hast put about thee this garment in order to well-being; thou hast become protector of the people (?) against imprecation; both do thou live a hundred numerous autumns, and do thou gather about thee abundance of wealth.
Translated by William Dwight Whitney (1905)
एह्य् अश्मानम् आ तिष्ठाश्मा भवतु ते तनूः । कृण्वन्तु विश्वे देवा आयुष्टे शरदः शतम् ॥४॥
ehy aśmānam ā tiṣṭhāśmā bhavatu te tanūḥ | kṛṇvantu viśve devā āyuṣṭe śaradaḥ śatam ||4||
Come, stand on the stone; let thy body become a stone; let all the gods make thy life-time a hundred autumns.
Translated by William Dwight Whitney (1905)
यस्य ते वासः प्रथमवास्यं हरामस् तं त्वा विश्वे ऽवन्तु देवाः । तं त्वा भ्रातरः सुवृधा वर्धमानम् अनु जायन्तां बहवः सुजातम् ॥५॥
yasya te vāsaḥ prathamavāsyaṃ harāmas taṃ tvā viśve 'vantu devāḥ | taṃ tvā bhrātaraḥ suvṛdhā vardhamānam anu jāyantāṃ bahavaḥ sujātam ||5||
Thee here, of whom we take the garment to be first worn, let all the gods favor; thee here, growing with good growth, let many brothers be born after, ⌊[after thee,]⌋ as one well born.
Translated by William Dwight Whitney (1905)