Library·Atharvaveda Saṃhitā (Śaunaka)·2·2.33
अक्षीभ्यां ते नासिकाभ्यां कर्णाभ्यां छुबुकाद् अधि । यक्ष्मं शीर्षण्यं मस्तिष्काज् जिह्वाया वि वृहामि ते ॥१॥
akṣībhyāṃ te nāsikābhyāṃ karṇābhyāṃ chubukād adhi | yakṣmaṃ śīrṣaṇyaṃ mastiṣkāj jihvāyā vi vṛhāmi te ||1||
Forth from thy (two) eyes, (two) nostrils, (two) ears, chin, brain, tongue, I eject (vi-vṛh) for thee the yákṣma of the head.
Translated by William Dwight Whitney (1905)
ग्रीवाभ्यस् त उष्णिहाभ्यः कीकसाभ्यो अनूक्यात् । यक्ष्मं दोषण्यम् अंसाभ्यां बाहुभ्यां वि वृहामि ते ॥२॥
grīvābhyas ta uṣṇihābhyaḥ kīkasābhyo anūkyāt | yakṣmaṃ doṣaṇyam aṃsābhyāṃ bāhubhyāṃ vi vṛhāmi te ||2||
From thy neck (grīvás), nape (uṣṇíhās), vertebræ (kī́kasā), backbone, (two) shoulders, (two) fore-arms, I eject for thee the yákṣma of the arms.
Translated by William Dwight Whitney (1905)
हृदयात् ते परि क्लोम्नो हलीक्ष्णात् पार्श्वाभ्याम् । यक्ष्मं मतस्नाभ्यां प्लीह्नो यक्नस् ते वि वृहामसि ॥३॥
hṛdayāt te pari klomno halīkṣṇāt pārśvābhyām | yakṣmaṃ matasnābhyāṃ plīhno yaknas te vi vṛhāmasi ||3||
Forth from thy heart, lung (klomán), hálīkṣṇa, (two) sides, (two) mátasnas, spleen, liver, we eject for thee the yákṣma.
Translated by William Dwight Whitney (1905)
आन्त्रेभ्यस् ते गुदाभ्यो वनिष्ठोर् उदराद् अधि । यक्ष्मं कुक्षिभ्याम् प्लाशेर् नाभ्या वि वृहामि ते ॥४॥
āntrebhyas te gudābhyo vaniṣṭhor udarād adhi | yakṣmaṃ kukṣibhyām plāśer nābhyā vi vṛhāmi te ||4||
Forth from thine entrails, guts, rectum, belly, (two) paunches, plāçí, navel, I eject for thee the yákṣma.
Translated by William Dwight Whitney (1905)
ऊरुभ्यां ते अष्ठीवद्भ्यां पार्ष्णिभ्यां प्रपदाभ्याम् । यक्ष्मं भसद्यं श्रोणिभ्यां भासदं भंससो वि वृहामि ते ॥५॥
ūrubhyāṃ te aṣṭhīvadbhyāṃ pārṣṇibhyāṃ prapadābhyām | yakṣmaṃ bhasadyaṃ śroṇibhyāṃ bhāsadaṃ bhaṃsaso vi vṛhāmi te ||5||
From thy (two) thighs, knees, heels, front feet, hips, fundament (? bháṅsas), I eject for thee the yákṣma of the rump.
Translated by William Dwight Whitney (1905)
अस्थिभ्यस् ते मज्जभ्यः स्नावभ्यो धमनिभ्यः । यक्ष्मम् पाणिभ्याम् अङ्गुलिभ्यो नखेभ्यो वि वृहामि ते ॥६॥
asthibhyas te majjabhyaḥ snāvabhyo dhamanibhyaḥ | yakṣmam pāṇibhyām aṅgulibhyo nakhebhyo vi vṛhāmi te ||6||
From thy bones, marrows, sinews, vessels, (two) hands, fingers, nails, I eject for thee the yákṣma.
Translated by William Dwight Whitney (1905)
अङ्गेअङ्गे लोम्निलोम्नि यस् ते पर्वणिपर्वणि । यक्ष्मं त्वचस्यं ते वयं कश्यपस्य वीबर्हेण विष्वञ्चं वि वृहामसि ॥७॥
aṅgeaṅge lomnilomni yas te parvaṇiparvaṇi | yakṣmaṃ tvacasyaṃ te vayaṃ kaśyapasya vībarheṇa viṣvañcaṃ vi vṛhāmasi ||7||
What [yákṣma is] in thine every limb, every hair, every joint—the yákṣma of thy skin do we, with Kaçyapa's ejector (vībarhá) eject away (víṣvañc).
Translated by William Dwight Whitney (1905)