Atharvaveda Saṃhitā (Śaunaka) 20.103

अग्निम् ईलिष्वावसे गाथाभिः शीरशोचिषम् । अग्निं राये पुरुमील्ह श्रुतं नरो ऽग्निं सुदीतये छर्दिः ॥१॥

agnim īliṣvāvase gāthābhiḥ śīraśociṣam | agniṃ rāye purumīlha śrutaṃ naro 'gniṃ sudītaye chardiḥ ||1||

Sanskrit only: no published translation is held for this verse.

अग्न आ याह्य् अग्निभिर् होतारं त्वा वृणीमहे । आ त्वाम् अनक्तु प्रयता हविष्मती यजिष्ठं बर्हिर् आसदे ॥२॥

agna ā yāhy agnibhir hotāraṃ tvā vṛṇīmahe | ā tvām anaktu prayatā haviṣmatī yajiṣṭhaṃ barhir āsade ||2||

Sanskrit only: no published translation is held for this verse.

अछ हि त्वा सहसः सूनो अङ्गिरः स्रुचश् चरन्त्य् अध्वरे । ऊर्जो नपातं घृतकेशम् ईमहे ऽग्निं यज्ञेषु पूर्व्यम् ॥३॥

acha hi tvā sahasaḥ sūno aṅgiraḥ srucaś caranty adhvare | ūrjo napātaṃ ghṛtakeśam īmahe 'gniṃ yajñeṣu pūrvyam ||3||

Sanskrit only: no published translation is held for this verse.