Library·Atharvaveda Saṃhitā (Śaunaka)·20·20.128
यः सभेयो विदथ्यः सुत्वा यज्वाथ पूरुषः । सूर्यं चामू रिशादसस् तद् देवाः प्राग् अकल्पयन् ॥१॥
yaḥ sabheyo vidathyaḥ sutvā yajvātha pūruṣaḥ | sūryaṃ cāmū riśādasas tad devāḥ prāg akalpayan ||1||
Sanskrit only: no published translation is held for this verse.
यो जाम्या अप्रथयस् तद् यत् सखायं दुधूर्षति । ज्येष्ठो यद् अप्रचेतास् तद् आहुर् अधराग् इति ॥२॥
yo jāmyā aprathayas tad yat sakhāyaṃ dudhūrṣati | jyeṣṭho yad apracetās tad āhur adharāg iti ||2||
Sanskrit only: no published translation is held for this verse.
यद् भद्रस्य पुरुषस्य पुत्रो भवति दाधृषिः । तद् विप्रो अब्रवीद् उ तद् गन्धर्वः काम्यं वचः ॥३॥
yad bhadrasya puruṣasya putro bhavati dādhṛṣiḥ | tad vipro abravīd u tad gandharvaḥ kāmyaṃ vacaḥ ||3||
Sanskrit only: no published translation is held for this verse.
यश्च पणि रघुजिष्ठ्यो यश्च देवां अदाशुरिः । धीराणां शश्वताम् अहं तद् अपाग् इति शुश्रुम ॥४॥
yaśca paṇi raghujiṣṭhyo yaśca devāṃ adāśuriḥ | dhīrāṇāṃ śaśvatām ahaṃ tad apāg iti śuśruma ||4||
Sanskrit only: no published translation is held for this verse.
ये च देवा अयजन्ताथो ये च पराददिः । सूर्यो दिवम् इव गत्वाय मघवा नो वि रप्शते ॥५॥
ye ca devā ayajantātho ye ca parādadiḥ | sūryo divam iva gatvāya maghavā no vi rapśate ||5||
Sanskrit only: no published translation is held for this verse.
योऽनाक्ताक्षो अनभ्यक्तो अमणिवो अहिरण्यवः । अब्रह्मा ब्रह्मणः पुत्रस्तोता कल्पेषु संमिता ॥६॥
yo'nāktākṣo anabhyakto amaṇivo ahiraṇyavaḥ | abrahmā brahmaṇaḥ putrastotā kalpeṣu saṃmitā ||6||
Sanskrit only: no published translation is held for this verse.
य आक्ताक्षः सुभ्यक्तः सुमणिः सुहिरण्यवः । सुब्रह्मा ब्रह्मणः पुत्रस्तोता कल्पेषु संमिता ॥७॥
ya āktākṣaḥ subhyaktaḥ sumaṇiḥ suhiraṇyavaḥ | subrahmā brahmaṇaḥ putrastotā kalpeṣu saṃmitā ||7||
Sanskrit only: no published translation is held for this verse.
अप्रपाणा च वेशन्ता रेवां अप्रतिदिश्ययः । अयभ्या कन्या कल्याणी तोता कल्पेषु संमिता ॥८॥
aprapāṇā ca veśantā revāṃ apratidiśyayaḥ | ayabhyā kanyā kalyāṇī totā kalpeṣu saṃmitā ||8||
Sanskrit only: no published translation is held for this verse.
सुप्रपाणा च वेशन्ता रेवान्त् सुप्रतिदिश्ययः । सुयभ्या कन्या कल्याणी तोता कल्पेषु संमिता ॥९॥
suprapāṇā ca veśantā revānt supratidiśyayaḥ | suyabhyā kanyā kalyāṇī totā kalpeṣu saṃmitā ||9||
Sanskrit only: no published translation is held for this verse.
परिवृक्ता च महिषी स्वस्त्या च युधिं गमः । अनाशुरश्चायामी तोता कल्पेषु संमिता ॥१०॥
parivṛktā ca mahiṣī svastyā ca yudhiṃ gamaḥ | anāśuraścāyāmī totā kalpeṣu saṃmitā ||10||
Sanskrit only: no published translation is held for this verse.
वावाता च महिषी स्वस्त्या च युधिं गमः । श्वाशुरश् चायामी तोता कल्पेषु संमिता ॥११॥
vāvātā ca mahiṣī svastyā ca yudhiṃ gamaḥ | śvāśuraś cāyāmī totā kalpeṣu saṃmitā ||11||
Sanskrit only: no published translation is held for this verse.
यद् इन्द्रादो दाशराज्ञे मानुषं वि गाहथाः । विरूपः सर्वस्मा आसीत् सह यक्षाय कल्पते ॥१२॥
yad indrādo dāśarājñe mānuṣaṃ vi gāhathāḥ | virūpaḥ sarvasmā āsīt saha yakṣāya kalpate ||12||
Sanskrit only: no published translation is held for this verse.
त्वं वृषाक्षुं मघवन्न् अम्रं मर्याकरो रविः । त्वं रौहिणं व्यास्यो वि वृत्रस्याभिनच् छिरः ॥१३॥
tvaṃ vṛṣākṣuṃ maghavann amraṃ maryākaro raviḥ | tvaṃ rauhiṇaṃ vyāsyo vi vṛtrasyābhinac chiraḥ ||13||
Sanskrit only: no published translation is held for this verse.
यः पर्वतान् व्यदधाद् यो अपो व्यगाहथाः । इन्द्रो यो वृत्रहान्महं तस्माद् इन्द्र नमो ऽस्तु ते ॥१४॥
yaḥ parvatān vyadadhād yo apo vyagāhathāḥ | indro yo vṛtrahānmahaṃ tasmād indra namo 'stu te ||14||
Sanskrit only: no published translation is held for this verse.
पृष्ठं धावन्तं हर्योर् औच्चैः श्रवसम् अब्रुवन् । स्वस्त्यश्व जैत्रायेन्द्रम् आ वह सुस्रजम् ॥१५॥
pṛṣṭhaṃ dhāvantaṃ haryor auccaiḥ śravasam abruvan | svastyaśva jaitrāyendram ā vaha susrajam ||15||
Sanskrit only: no published translation is held for this verse.
ये त्वा श्वेता अजैश्रवसो हार्यो युञ्जन्ति दक्षिणम् । पूर्वा नमस्य देवानां बिभ्रद् इन्द्र महीयते ॥१६॥
ye tvā śvetā ajaiśravaso hāryo yuñjanti dakṣiṇam | pūrvā namasya devānāṃ bibhrad indra mahīyate ||16||
Sanskrit only: no published translation is held for this verse.