Atharvaveda Saṃhitā (Śaunaka) 20.135

भुग् इत्य् अभिगतः शलित्यपक्रान्तः फलित्यभिष्ठितः । दुन्दुभिम् आहननाभ्यां जरितरोथामो दैव ॥१॥

bhug ity abhigataḥ śalityapakrāntaḥ phalityabhiṣṭhitaḥ | dundubhim āhananābhyāṃ jaritarothāmo daiva ||1||

Sanskrit only: no published translation is held for this verse.

कोशबिले रजनि ग्रन्थेर् धानम् उपानहि पादम् । उत्तमां जनिमां जन्यानुत्तमां जनीन् वर्त्मन्यात् ॥२॥

kośabile rajani granther dhānam upānahi pādam | uttamāṃ janimāṃ janyānuttamāṃ janīn vartmanyāt ||2||

Sanskrit only: no published translation is held for this verse.

अलाबूनि पृषातकान्यश्वत्थपलाशम् । पिपीलिकावतश्वसो विद्युत्स्वापर्णशफो गोशफो जरितरोथामो दैव ॥३॥

alābūni pṛṣātakānyaśvatthapalāśam | pipīlikāvataśvaso vidyutsvāparṇaśapho gośapho jaritarothāmo daiva ||3||

Sanskrit only: no published translation is held for this verse.

वीमे देवा अक्रंसताध्वर्यो क्षिप्रं प्रचर । सुसत्यम् इद् गवाम् अस्यसि प्रखुदसि ॥४॥

vīme devā akraṃsatādhvaryo kṣipraṃ pracara | susatyam id gavām asyasi prakhudasi ||4||

Sanskrit only: no published translation is held for this verse.

पत्नी यदृश्यते पत्नी यक्ष्यमाणा जरितरोथामो दैव । होता विष्टीमेन जरितर् ओथामो दैव ॥५॥

patnī yadṛśyate patnī yakṣyamāṇā jaritarothāmo daiva | hotā viṣṭīmena jaritar othāmo daiva ||5||

Sanskrit only: no published translation is held for this verse.

आदित्या ह जरितर् अङ्गिरोभ्यो दक्षिणाम् अनयन् । तां ह जरितः प्रत्यायंस् ताम् उ ह जरितः प्रत्यायन् ॥६॥

ādityā ha jaritar aṅgirobhyo dakṣiṇām anayan | tāṃ ha jaritaḥ pratyāyaṃs tām u ha jaritaḥ pratyāyan ||6||

Sanskrit only: no published translation is held for this verse.

तां ह जरितर् नः प्रत्यगृभ्णंस् ताम् उ ह जरितर् नः प्रत्यगृभ्णः । अहानेतरसं न वि चेतनानि यज्ञान् एतरसं न पुरोगवामः ॥७॥

tāṃ ha jaritar naḥ pratyagṛbhṇaṃs tām u ha jaritar naḥ pratyagṛbhṇaḥ | ahānetarasaṃ na vi cetanāni yajñān etarasaṃ na purogavāmaḥ ||7||

Sanskrit only: no published translation is held for this verse.

उत श्वेत आशुपत्वा उतो पद्याभिर् यविष्ठः । उतेम् आशु मानं पिपर्ति ॥८॥

uta śveta āśupatvā uto padyābhir yaviṣṭhaḥ | utem āśu mānaṃ piparti ||8||

Sanskrit only: no published translation is held for this verse.

आदित्या रुद्रा वसवस् त्वेनु त इदं राधः प्रति गृभ्णीह्य् अङ्गिरः । इदं राधो विभु प्रभु इदं राधो बृहत् पृथु ॥९॥

ādityā rudrā vasavas tvenu ta idaṃ rādhaḥ prati gṛbhṇīhy aṅgiraḥ | idaṃ rādho vibhu prabhu idaṃ rādho bṛhat pṛthu ||9||

Sanskrit only: no published translation is held for this verse.

देवा ददत्वासुरं तद् वो अस्तु सुचेतनम् । युष्मां अस्तु दिवेदिवे प्रत्येव गृभायत् ॥१०॥

devā dadatvāsuraṃ tad vo astu sucetanam | yuṣmāṃ astu divedive pratyeva gṛbhāyat ||10||

Sanskrit only: no published translation is held for this verse.

त्वम् इन्द्र शर्मरिणा हव्यं पारावतेभ्यः । विप्राय स्तुवते वसुवनिं दुरश्रवसे वह ॥११॥

tvam indra śarmariṇā havyaṃ pārāvatebhyaḥ | viprāya stuvate vasuvaniṃ duraśravase vaha ||11||

Sanskrit only: no published translation is held for this verse.

त्वम् इन्द्र कपोताय छिन्नपक्षाय वञ्चते । श्यामाकं पक्वं पीलु च वारस्मा अकृणोर् बहुः ॥१२॥

tvam indra kapotāya chinnapakṣāya vañcate | śyāmākaṃ pakvaṃ pīlu ca vārasmā akṛṇor bahuḥ ||12||

Sanskrit only: no published translation is held for this verse.

अरंगरो वावदीति त्रेधा बद्धो वरत्रया । इरामह प्रशंसत्य् अनिराम् अप सेधति ॥१३॥

araṃgaro vāvadīti tredhā baddho varatrayā | irāmaha praśaṃsaty anirām apa sedhati ||13||

Sanskrit only: no published translation is held for this verse.