अभि त्वा वर्चसा गिरः सिञ्चन्त्य् आ चरण्युवः । अभि वत्सं न धेनवः ॥१॥
abhi tvā varcasā giraḥ siñcanty ā caraṇyuvaḥ | abhi vatsaṃ na dhenavaḥ ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·20·20.48
Atharvaveda Saṃhitā (Śaunaka) 20.48
ता अर्षन्ति शुभ्रियः पृञ्चतीर् वर्चसा पयः । जातं जनिर् यथा हृदा ॥२॥
tā arṣanti śubhriyaḥ pṛñcatīr varcasā payaḥ | jātaṃ janir yathā hṛdā ||2||
Sanskrit only: no published translation is held for this verse.
वज्रापवसाध्यः कीर्तिर् म्रियमाणम् आवहन् । मह्यम् आयुर् घृतं पयः ॥३॥
vajrāpavasādhyaḥ kīrtir mriyamāṇam āvahan | mahyam āyur ghṛtaṃ payaḥ ||3||
Sanskrit only: no published translation is held for this verse.
आयं गौः पृश्निर् अक्रमीद् असदन् मातरं पुरः । पितरं च प्रयन्त् स्वः ॥४॥
āyaṃ gauḥ pṛśnir akramīd asadan mātaraṃ puraḥ | pitaraṃ ca prayant svaḥ ||4||
This spotted Bull hath come, and sat before the Mother in the east, Advancing to his Father heaven.
Translated by Ralph T. H. Griffith (1896)This is the translator's rendering of the same verse where it occurs at RV 10.189.1; the wording of this text may differ in places.
अन्तश् चरति रोचना अस्य प्राणाद् अपानतः । व्य् अख्यन् महिषः स्वः ॥५॥
antaś carati rocanā asya prāṇād apānataḥ | vy akhyan mahiṣaḥ svaḥ ||5||
Sanskrit only: no published translation is held for this verse.
त्रिंशद् धामा वि राजति वाक् पतङ्गो अशिश्रियत् । प्रति वस्तोर् अहर् द्युभिः ॥६॥
triṃśad dhāmā vi rājati vāk pataṅgo aśiśriyat | prati vastor ahar dyubhiḥ ||6||
Sanskrit only: no published translation is held for this verse.