Library·Atharvaveda Saṃhitā (Śaunaka)·20·20.55
तम् इन्द्रं जोहवीमि मघवानम् उग्रं सत्रा दधानम् अप्रतिष्कुतं शवांसि । मंहिष्ठो गीर्भिर् आ च यज्ञियो ववर्तद् राये नो विश्वा सुपथा कृणोतु वज्री ॥१॥
tam indraṃ johavīmi maghavānam ugraṃ satrā dadhānam apratiṣkutaṃ śavāṃsi | maṃhiṣṭho gīrbhir ā ca yajñiyo vavartad rāye no viśvā supathā kṛṇotu vajrī ||1||
Sanskrit only: no published translation is held for this verse.
या इन्द्र भुज आभरः स्वर्वां असुरेभ्यः । स्तोतारम् इन् मघवन्न् अस्य वर्धय ये च त्वे वृक्तबर्हिषः ॥२॥
yā indra bhuja ābharaḥ svarvāṃ asurebhyaḥ | stotāram in maghavann asya vardhaya ye ca tve vṛktabarhiṣaḥ ||2||
Sanskrit only: no published translation is held for this verse.
यम् इन्द्र दधिषे त्वम् अश्वं गां भागम् अव्ययम् । यजमाने सुन्वति दक्षिणावति तस्मिन् तं धेहि मा पणौ ॥३॥
yam indra dadhiṣe tvam aśvaṃ gāṃ bhāgam avyayam | yajamāne sunvati dakṣiṇāvati tasmin taṃ dhehi mā paṇau ||3||
Sanskrit only: no published translation is held for this verse.