Library·Atharvaveda Saṃhitā (Śaunaka)·4·4.20
आ पश्यति प्रति पश्यति परा पश्यति पश्यति । दिवम् अन्तरिक्षम् आद् भूमिं सर्वं तद् देवि पश्यति ॥१॥
ā paśyati prati paśyati parā paśyati paśyati | divam antarikṣam ād bhūmiṃ sarvaṃ tad devi paśyati ||1||
He (?) looks on, he looks toward, he looks away, he looks: the sky, the atmosphere, then the earth—all that, O divine one (f.), he looks at.
Translated by William Dwight Whitney (1905)
तिस्रो दिवस् तिस्रः पृथिवीः षट् चेमाः प्रदिशाः पृथक् । त्वयाहं सर्वा भूतानि पश्यानि देव्य् ओषधे ॥२॥
tisro divas tisraḥ pṛthivīḥ ṣaṭ cemāḥ pradiśāḥ pṛthak | tvayāhaṃ sarvā bhūtāni paśyāni devy oṣadhe ||2||
Three skies, three earths, and these six directions severally—by thee let me see all beings, O divine herb.
Translated by William Dwight Whitney (1905)
दिव्यस्य सुपर्णस्य तस्य हासि कनीनिका । सा भूमिम् आ रुरोहिथ वह्यं श्रान्ता वधूर् इव ॥३॥
divyasya suparṇasya tasya hāsi kanīnikā | sā bhūmim ā rurohitha vahyaṃ śrāntā vadhūr iva ||3||
Of that heavenly eagle art thou the eye-pupil; thou here hast ascended the earth as a wearied bride (vadhū́) a litter.
Translated by William Dwight Whitney (1905)
तां मे सहस्राक्षो देवो दक्षिणे हस्त आ दधत् । तयाहं सर्वं पश्यामि यश् च शूद्र उतार्यः ॥४॥
tāṃ me sahasrākṣo devo dakṣiṇe hasta ā dadhat | tayāhaṃ sarvaṃ paśyāmi yaś ca śūdra utāryaḥ ||4||
May the thousand-eyed god set it in my right hand; with it do I see every one, both who is Çūdra and [who] Āryan.
Translated by William Dwight Whitney (1905)
आविष् कृणुष्व रूपानि मात्मानम् अप गूहथाः । अथो सहस्रचक्षो त्वं प्रति पश्याः किमीदिनः ॥५॥
āviṣ kṛṇuṣva rūpāni mātmānam apa gūhathāḥ | atho sahasracakṣo tvaṃ prati paśyāḥ kimīdinaḥ ||5||
Make manifest [thy] forms; do not hide thyself away; then mayest thou, O thousand-eyed one, look upon the kimīdíns.
Translated by William Dwight Whitney (1905)
दर्शय मा यातुधानान् दर्शय यातुधान्यः । पिशाचान्त् सर्वान् दर्शयेति त्वा रभ ओषधे ॥६॥
darśaya mā yātudhānān darśaya yātudhānyaḥ | piśācānt sarvān darśayeti tvā rabha oṣadhe ||6||
Show me the sorcerers; show the sorceresses; show all the piçācás: with this intent I take hold of (ā-rabh) thee, O herb.
Translated by William Dwight Whitney (1905)
कश्यपस्य चक्षुर् असि शुन्याश् च चतुरक्ष्याः । वीध्रे सूर्यम् इव सर्पन्तं मा पिशाचं तिरस् करः ॥७॥
kaśyapasya cakṣur asi śunyāś ca caturakṣyāḥ | vīdhre sūryam iva sarpantaṃ mā piśācaṃ tiras karaḥ ||7||
The eye of Kaçyapa art thou, and of the four-eyed bitch; conceal thou not the piçācá, like the sun gliding (sṛp) in the clear sky (vīdhrá).
Translated by William Dwight Whitney (1905)
उद् अग्रभं परिपाणाद् यातुधानं किमीदिनम् । तेनाहं सर्वं पश्याम्य् उत शूद्रम् उतार्यम् ॥८॥
ud agrabhaṃ paripāṇād yātudhānaṃ kimīdinam | tenāhaṃ sarvaṃ paśyāmy uta śūdram utāryam ||8||
I have seized (ud-grabh) out of his shelter (paripā́ṇa) the sorcerer, the kimīdín; with it do I see every one, both Çūdra and Āryan.
Translated by William Dwight Whitney (1905)
यो अन्तरिक्षेण पतति दिवम् यश् च अतिसर्पति । भूमिं यो मन्यते नाथं तं पिशाचम् प्र दर्शय ॥९॥
yo antarikṣeṇa patati divam yaś ca atisarpati | bhūmiṃ yo manyate nāthaṃ taṃ piśācam pra darśaya ||9||
Whichever flies through the atmosphere, and whichever creeps across the sky; whichever thinks the earth a refuge (nāthá)—that piçācá do thou show forth.
Translated by William Dwight Whitney (1905)