Library·Atharvaveda Saṃhitā (Śaunaka)·4·4.3
उद् इतस् त्रयो अक्रमन् व्याघ्रः पुरुषो वृकः । हिरुग् घि यन्ति सिन्धवो हिरुग् देवो वनस्पतिर् हिरुङ् नमन्तु शत्रवः ॥१॥
ud itas trayo akraman vyāghraḥ puruṣo vṛkaḥ | hirug ghi yanti sindhavo hirug devo vanaspatir hiruṅ namantu śatravaḥ ||1||
Up from here have stridden three—tiger, man (púruṣa), wolf; since hey! go the rivers, hey! the divine forest-tree, hey! let the foes bow.
Translated by William Dwight Whitney (1905)
परेणैतु पथा वृकः परमेणोत तस्करः । परेण दत्वती रज्जुः परेणाघायुर् अर्षतु ॥२॥
pareṇaitu pathā vṛkaḥ parameṇota taskaraḥ | pareṇa datvatī rajjuḥ pareṇāghāyur arṣatu ||2||
By a distant (pára) road let the wolf go, by a most distant also the thief; by a distant one the toothed rope, by a distant one let the malignant hasten (ṛṣ).
Translated by William Dwight Whitney (1905)
अक्ष्यौ च ते मुखं च ते व्याघ्र जम्भयामसि । आत् सर्वान् विंशतिं नखान् ॥३॥
akṣyau ca te mukhaṃ ca te vyāghra jambhayāmasi | āt sarvān viṃśatiṃ nakhān ||3||
Both thy (two) eyes and thy mouth, O tiger, we grind up; then all thy twenty claws (nakhá).
Translated by William Dwight Whitney (1905)
व्याघ्रं दत्वतां वयं प्रथमं जम्भयामसि । आद् उ ष्टेनम् अथो अहिं यातुधानम् अथो वृकम् ॥४॥
vyāghraṃ datvatāṃ vayaṃ prathamaṃ jambhayāmasi | ād u ṣṭenam atho ahiṃ yātudhānam atho vṛkam ||4||
The tiger first of [creatures] with teeth do we grind up, upon that also the thief, then the snake, the sorcerer, then the wolf.
Translated by William Dwight Whitney (1905)
यो अद्य स्तेन आयति स संपिष्टो अपायति । पथाम् अपध्वंसेनैत्व् इन्द्रो वज्रेण हन्तु तम् ॥५॥
yo adya stena āyati sa saṃpiṣṭo apāyati | pathām apadhvaṃsenaitv indro vajreṇa hantu tam ||5||
What thief shall come today, he shall go away smashed; let him go by the falling-off (apadhvaṅsá) of roads; let Indra smite him with the thunderbolt.
Translated by William Dwight Whitney (1905)
मूर्णा मृगस्य दन्ता अपिशीर्णा उ पृष्टयः । निम्रुक् ते गोधा भवतु नीचायच् छशयुर् मृगः ॥६॥
mūrṇā mṛgasya dantā apiśīrṇā u pṛṣṭayaḥ | nimruk te godhā bhavatu nīcāyac chaśayur mṛgaḥ ||6||
Ruined (mūrṇá) [are] the teeth of the beast (mṛgá); crushed in also [are its] ribs; disappearing be for thee the godhā́; downward go (ayat) the lurking (? çaçayú) beast.
Translated by William Dwight Whitney (1905)
यत् संयमो न वि यमो वि यमो यन् न संयमः । इन्द्रजाः सोमजा आथर्वणम् असि व्याघ्रजम्भनम् ॥७॥
yat saṃyamo na vi yamo vi yamo yan na saṃyamaḥ | indrajāḥ somajā ātharvaṇam asi vyāghrajambhanam ||7||
What thou contractest (sam-yam) mayest thou not protract (vi-yam); mayest thou protract what thou dost not contract; Indra-born, soma-born art thou, an Atharvan tiger-crusher (-jámbhana).
Translated by William Dwight Whitney (1905)