Library·Atharvaveda Saṃhitā (Śaunaka)·4·4.30
अहं रुद्रेभिर् वसुभिश् चराम्य् अहम् आदित्यैर् उत विश्वदेवैः । अहं मित्रावरुनोभा बिभर्म्य् अहम् इन्द्राग्नी अहम् अश्विनोभा ॥१॥
ahaṃ rudrebhir vasubhiś carāmy aham ādityair uta viśvadevaiḥ | ahaṃ mitrāvarunobhā bibharmy aham indrāgnī aham aśvinobhā ||1||
I go about with the Rudras, the Vasus, I with the Ādityas and the All-gods; I bear Mitra-and-Varuṇa both, I Indra-and-Agni, I both Açvins.
Translated by William Dwight Whitney (1905)
अहं राष्ट्री संगमनी वसूनां चिकितुषी प्रथमा यज्ञियानाम् । तां मा देवा व्य् अदधुः पुरुत्रा भूरिस्थात्रां भूर्य् आवेशयन्तः ॥२॥
ahaṃ rāṣṭrī saṃgamanī vasūnāṃ cikituṣī prathamā yajñiyānām | tāṃ mā devā vy adadhuḥ purutrā bhūristhātrāṃ bhūry āveśayantaḥ ||2||
I am queen, gatherer of good things, the first that has understood the matters of sacrifice; me here the gods distributed manifoldly, making me of many stations enter into many.
Translated by William Dwight Whitney (1905)
अहम् एव स्वयम् इदं वदामि जुष्टं देवानाम् उत मानुषाणाम् । यं कामये तन्तम् उग्रं कृणोमि तं ब्रह्माणं तम् ऋषिं तं सुमेधाम् ॥३॥
aham eva svayam idaṃ vadāmi juṣṭaṃ devānām uta mānuṣāṇām | yaṃ kāmaye tantam ugraṃ kṛṇomi taṃ brahmāṇaṃ tam ṛṣiṃ taṃ sumedhām ||3||
I my own self say this, [which is] enjoyable of gods and of men; whomsoever I desire, him I make formidable, him priest (brahmán), him seer, him very wise.
Translated by William Dwight Whitney (1905)
मया सो ऽन्नम् अत्ति यो विपश्यति यः प्राणति य ईम् शृणोत्य् उक्तम् । अमन्तवो मां त उप क्षियन्ति श्रुधि श्रुत श्रुद्धेयं ते वदामि ॥४॥
mayā so 'nnam atti yo vipaśyati yaḥ prāṇati ya īm śṛṇoty uktam | amantavo māṃ ta upa kṣiyanti śrudhi śruta śruddheyaṃ te vadāmi ||4||
By me doth he eat food who looks abroad, who breathes, who indeed hears what is spoken; unknowing (? amantú) they dwell upon me; hear thou, heard-of one; I say to thee what is to be credited.
Translated by William Dwight Whitney (1905)
अहं रुद्राय धनुर् आ तनोमि ब्रह्मद्विषे शरवे हन्तवा उ । अहं जनाय समदं कृणोमि अहम् द्यावापृथिवी आ विवेश ॥५॥
ahaṃ rudrāya dhanur ā tanomi brahmadviṣe śarave hantavā u | ahaṃ janāya samadaṃ kṛṇomi aham dyāvāpṛthivī ā viveśa ||5||
I stretch the bow for Rudra, for his shaft to slay the bráhman- hater; I make strife (samád) for the people (jána); into heaven-and-earth have I entered.
Translated by William Dwight Whitney (1905)
अहं सोमम् आहनसं बिभर्म्य् अहं त्वष्टारम् उत पूषणं भगम् । अहं दधामि द्रविणा हविष्मते सुप्राव्या यजमानाय सुन्वते ॥६॥
ahaṃ somam āhanasaṃ bibharmy ahaṃ tvaṣṭāram uta pūṣaṇaṃ bhagam | ahaṃ dadhāmi draviṇā haviṣmate suprāvyā yajamānāya sunvate ||6||
I bear the heady (? āhanás) soma, I Tvashṭar, also Pūshan, Bhaga; I assign property to the giver of oblations, to the very zealous (?), the sacrificer, the presser of soma.
Translated by William Dwight Whitney (1905)
अहं सुवे पितरम् अस्य मूर्धन् मम योनिर् अप्स्व् अन्तः समुद्रे । ततो वि तिष्ठे भुवनानि विश्वोतामूं द्यां वर्ष्मणोप स्पृशामि ॥७॥
ahaṃ suve pitaram asya mūrdhan mama yonir apsv antaḥ samudre | tato vi tiṣṭhe bhuvanāni viśvotāmūṃ dyāṃ varṣmaṇopa spṛśāmi ||7||
I quicken (give birth to?) the father in its (his?) head; my womb (yóni) is within the waters, the ocean; thence I extend myself (vi-sthā) to all beings; even yon sky I touch with my summit.
Translated by William Dwight Whitney (1905)
अहम् एव वातैव प्र वाम्य् आरभमाणा भुवनानि विश्वा । परो दिवा पर एना पृथिव्यैतावती महिम्ना सं बभूव ॥८॥
aham eva vātaiva pra vāmy ārabhamāṇā bhuvanāni viśvā | paro divā para enā pṛthivyaitāvatī mahimnā saṃ babhūva ||8||
I myself blow forth like the wind, taking hold upon all beings; beyond the sky, beyond the earth here—such have I become by greatness.
Translated by William Dwight Whitney (1905)