यां त्वा गन्धर्वो अखनद् वरुणाय मृतभ्रजे । तां त्वा वयं खनामस्य् ओषधिं शेपहर्षणीम् ॥१॥
yāṃ tvā gandharvo akhanad varuṇāya mṛtabhraje | tāṃ tvā vayaṃ khanāmasy oṣadhiṃ śepaharṣaṇīm ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·4·4.4
Atharvaveda Saṃhitā (Śaunaka) 4.4
उद् उषा उद् उ सूर्य उद् इदं मामकं वचः । उद् एजतु प्रजापतिर् वृषा शुष्मेण वाजिना ॥२॥
ud uṣā ud u sūrya ud idaṃ māmakaṃ vacaḥ | ud ejatu prajāpatir vṛṣā śuṣmeṇa vājinā ||2||
Sanskrit only: no published translation is held for this verse.
यथा स्म ते विरोहतो ऽभितप्तम् इवानति । ततस् ते शुष्मवत्तरम् इयं कृणोत्व् ओषधिः ॥३॥
yathā sma te virohato 'bhitaptam ivānati | tatas te śuṣmavattaram iyaṃ kṛṇotv oṣadhiḥ ||3||
Sanskrit only: no published translation is held for this verse.
उच् छुष्मौषधीनां सारा ऋषभाणाम् । सं पुंसाम् इन्द्र वृष्ण्यम् अस्मिन् धेहि तनूवशिन् ॥४॥
uc chuṣmauṣadhīnāṃ sārā ṛṣabhāṇām | saṃ puṃsām indra vṛṣṇyam asmin dhehi tanūvaśin ||4||
Sanskrit only: no published translation is held for this verse.
अपां रसः प्रथमजो ऽथो वनस्पतीनाम् । उत सोमस्य भ्रातास्य् उतार्शम् असि वृष्ण्यम् ॥५॥
apāṃ rasaḥ prathamajo 'tho vanaspatīnām | uta somasya bhrātāsy utārśam asi vṛṣṇyam ||5||
Sanskrit only: no published translation is held for this verse.
अद्याग्ने अद्य सवितर् अद्य देवि सरस्वति । अद्यास्य ब्रह्मणस् पते धनुर् इवा तानया पसः ॥६॥
adyāgne adya savitar adya devi sarasvati | adyāsya brahmaṇas pate dhanur ivā tānayā pasaḥ ||6||
Sanskrit only: no published translation is held for this verse.
आहं तनोमि ते पसो अधि ज्याम् इव धन्वनि । क्रमस्वर्श इव रोहितम् अनवग्लायता सदा ॥७॥
āhaṃ tanomi te paso adhi jyām iva dhanvani | kramasvarśa iva rohitam anavaglāyatā sadā ||7||
Sanskrit only: no published translation is held for this verse.
अश्वस्याश्वतरस्याजस्य पेत्वस्य च । अथ ऋषभस्य ये वाजास् तान् अस्मिन् धेहि तनूवशिन् ॥८॥
aśvasyāśvatarasyājasya petvasya ca | atha ṛṣabhasya ye vājās tān asmin dhehi tanūvaśin ||8||
Sanskrit only: no published translation is held for this verse.