Library·Atharvaveda Saṃhitā (Śaunaka)·5·5.27
ऊर्ध्वा अस्य समिधो भवन्त्य् ऊर्ध्वा शुक्रा शोचीष्य् अग्नेः । द्युमत्तमा सुप्रतीकः ससूनुस् तनूनपाद् असुरो भूरिपाणिः ॥१॥
ūrdhvā asya samidho bhavanty ūrdhvā śukrā śocīṣy agneḥ | dyumattamā supratīkaḥ sasūnus tanūnapād asuro bhūripāṇiḥ ||1||
Sanskrit only: no published translation is held for this verse.
देवो देवेषु देवः पथो अनक्ति मध्वा घृतेन ॥२॥
devo deveṣu devaḥ patho anakti madhvā ghṛtena ||2||
Sanskrit only: no published translation is held for this verse.
मध्वा यज्ञम् नक्षति प्रैणानो नराशंसो अग्निः सुकृद् देवः सविता विश्ववारः ॥३॥
madhvā yajñam nakṣati praiṇāno narāśaṃso agniḥ sukṛd devaḥ savitā viśvavāraḥ ||3||
Sanskrit only: no published translation is held for this verse.
अछायम् एति शवसा घृता चिद् ईदानो वह्निर् नमसा ॥४॥
achāyam eti śavasā ghṛtā cid īdāno vahnir namasā ||4||
Sanskrit only: no published translation is held for this verse.
अग्निः स्रुचो अध्वरेषु प्रयक्षु स यक्षद् अस्य महिमानम् अग्नेः ॥५॥
agniḥ sruco adhvareṣu prayakṣu sa yakṣad asya mahimānam agneḥ ||5||
Sanskrit only: no published translation is held for this verse.
तरी मन्द्रासु प्रयक्षु वसवश् चातिष्ठन् वसुधातरश् च ॥६॥
tarī mandrāsu prayakṣu vasavaś cātiṣṭhan vasudhātaraś ca ||6||
Sanskrit only: no published translation is held for this verse.
द्वारो देवीर् अन्व् अस्य विश्वे व्रतं रक्षन्ति विश्वहा ॥७॥
dvāro devīr anv asya viśve vrataṃ rakṣanti viśvahā ||7||
Sanskrit only: no published translation is held for this verse.
उरुव्यचसाग्नेर् धाम्ना पत्यमाने । आ सुष्वयन्ती यजते उपाके उषासानक्तेमं यज्ञम् अवताम् अध्वरम् नः ॥८॥
uruvyacasāgner dhāmnā patyamāne | ā suṣvayantī yajate upāke uṣāsānaktemaṃ yajñam avatām adhvaram naḥ ||8||
Sanskrit only: no published translation is held for this verse.
दैवा होतार ऊर्ध्वम् अध्वरं नो ऽग्नेर् जिह्वयाभि गृनत गृनता नः स्विष्टये । तिस्रो देवीर् बर्हिर् एदं सदन्ताम् इडा सरस्वती मही भारती गृणाना ॥९॥
daivā hotāra ūrdhvam adhvaraṃ no 'gner jihvayābhi gṛnata gṛnatā naḥ sviṣṭaye | tisro devīr barhir edaṃ sadantām iḍā sarasvatī mahī bhāratī gṛṇānā ||9||
Sanskrit only: no published translation is held for this verse.
तन् नस् तुरीपम् अद्भुतं पुरुक्षु । देव त्वष्टा रायस् पोषं वि ष्य नाभिम् अस्य ॥१०॥
tan nas turīpam adbhutaṃ purukṣu | deva tvaṣṭā rāyas poṣaṃ vi ṣya nābhim asya ||10||
Sanskrit only: no published translation is held for this verse.
वनस्पते ऽव सृजा रराणः । त्मना देवेभ्यो अग्निर् हव्यं शमिता स्वदयतु ॥११॥
vanaspate 'va sṛjā rarāṇaḥ | tmanā devebhyo agnir havyaṃ śamitā svadayatu ||11||
Sanskrit only: no published translation is held for this verse.
अग्ने स्वाहा कृणुहि जातवेदः । इन्द्राय यज्ञं विश्वे देवा हविर् इदं जुषन्ताम् ॥१२॥
agne svāhā kṛṇuhi jātavedaḥ | indrāya yajñaṃ viśve devā havir idaṃ juṣantām ||12||
Sanskrit only: no published translation is held for this verse.