Library·Atharvaveda Saṃhitā (Śaunaka)·5·5.29
पुरस्ताद् युक्तो वह जातवेदो ऽग्ने विद्धि क्रियमाणम् यथेदम् । त्वं भिषग् भेषजस्यासि कर्ता त्वया गाम् अश्वं पुरुषं सनेम ॥१॥
purastād yukto vaha jātavedo 'gne viddhi kriyamāṇam yathedam | tvaṃ bhiṣag bheṣajasyāsi kartā tvayā gām aśvaṃ puruṣaṃ sanema ||1||
Joined in front, carry thou, O Jātavedas; know this, O Agni, as [it is] being done; thou art a physician (bhiṣáj), a maker of remedy (bheṣajá); by thee may we gain cow, horse, man (púruṣa).
Translated by William Dwight Whitney (1905)
तथा तद् अग्ने कृणु जातवेदो विश्वेभिर् देवैः सह संविदानः । यो नो दिदेव यतमो जघास यथा सो अस्य परिधिष् पताति ॥२॥
tathā tad agne kṛṇu jātavedo viśvebhir devaiḥ saha saṃvidānaḥ | yo no dideva yatamo jaghāsa yathā so asya paridhiṣ patāti ||2||
So, O Agni, Jātavedas, do thou do this, in concord with all the gods: he who hath played [against] us, whosoever hath devoured (ghas) us, that this enclosure of his may fall.
Translated by William Dwight Whitney (1905)
यथा सो अस्य परिधिष् पताति तथा तद् अग्ने कृणु जातवेदः । विश्वेभिर् देवैर् सह संविदानः ॥३॥
yathā so asya paridhiṣ patāti tathā tad agne kṛṇu jātavedaḥ | viśvebhir devair saha saṃvidānaḥ ||3||
That this enclosure of his may fall, so, O Agni, Jātavedas, do thou do that, in concord with all the gods.
Translated by William Dwight Whitney (1905)
अक्ष्यौ नि विध्य हृदयं नि विध्य जिह्वां नि तृन्द्धि प्र दतो मृणीहि । पिशाचो अस्य यतमो जघासाग्ने यविष्ठ प्रति शृणीहि ॥४॥
akṣyau ni vidhya hṛdayaṃ ni vidhya jihvāṃ ni tṛnddhi pra dato mṛṇīhi | piśāco asya yatamo jaghāsāgne yaviṣṭha prati śṛṇīhi ||4||
Pierce thou into his eyes, pierce into his heart, bore into his tongue, destroy (pra-mṛ) his teeth; whatsoever piçācá hath devoured of him, that one, O Agni, youngest [god], do thou crush back.
Translated by William Dwight Whitney (1905)
यद् अस्य हृतं विहृतं यत् पराभृतम् आत्मनो जग्धं यतमत् पिशाचैः । तद् अग्ने विद्वान् पुनर् आ भर त्वं शरीरे मांसम् असुम् एरयामः ॥५॥
yad asya hṛtaṃ vihṛtaṃ yat parābhṛtam ātmano jagdhaṃ yatamat piśācaiḥ | tad agne vidvān punar ā bhara tvaṃ śarīre māṃsam asum erayāmaḥ ||5||
What of him is taken [or] taken apart, what is borne away, whatsoever of himself is devoured by the piçācás, that, O Agni, do thou, knowing, bring again; into his body we send flesh [and] spirit (ásu).
Translated by William Dwight Whitney (1905)
आमे सुपक्वे शबले विपक्वे यो मा पिशाचो अशने ददम्भ । तद् आत्मना प्रजया पिशाचा वि यातयन्ताम् अगदो ऽयम् अस्तु ॥६॥
āme supakve śabale vipakve yo mā piśāco aśane dadambha | tad ātmanā prajayā piśācā vi yātayantām agado 'yam astu ||6||
In raw, in well-cooked, in mixed (? çabála), in ripe, what piçācá hath injured (dambh) me in the partaking—that let the piçācás atone for (? vi-yātay) with self [and] progeny; be this man free from disease.
Translated by William Dwight Whitney (1905)
क्षिरे मा मन्थे यतमो ददम्भाकृष्टपच्ये अशने धान्ये यः । तद् आत्मना प्रजया पिशाचा वि यातयन्ताम् अगदो ऽयम् अस्तु ॥७॥
kṣire mā manthe yatamo dadambhākṛṣṭapacye aśane dhānye yaḥ | tad ātmanā prajayā piśācā vi yātayantām agado 'yam astu ||7||
In milk (kṣīrá), in stirabout whoever hath injured me, who in grain growing uncultivated—in the partaking [thereof]—that let the piçācás etc. etc.
Translated by William Dwight Whitney (1905)
अपां मा पाने यतमो ददम्भ क्रव्याद् यातूनाम् शयने शयानम् । तद् आत्मना प्रजया पिशाचा वि यातयन्ताम् अगदो ऽयम् अस्तु ॥८॥
apāṃ mā pāne yatamo dadambha kravyād yātūnām śayane śayānam | tad ātmanā prajayā piśācā vi yātayantām agado 'yam astu ||8||
In the drinking of waters whatever flesh-eater hath injured me lying (çī) in the lair (çáyana) of the familiar demons (yātú)—that let the piçācás etc. etc.
Translated by William Dwight Whitney (1905)
दिवा मा नक्तं यतमो ददम्भ क्रव्याद् यातूनाम् शयने शयानम् । तद् आत्मना प्रजया पिशाचा वि यातयन्ताम् अगदो ऽयम् अस्तु ॥९॥
divā mā naktaṃ yatamo dadambha kravyād yātūnām śayane śayānam | tad ātmanā prajayā piśācā vi yātayantām agado 'yam astu ||9||
By day, by night, whatever flesh-eater hath injured me lying in the lair of the familiar demons—that let the piçācás etc. etc.
Translated by William Dwight Whitney (1905)
क्रव्यादम् अग्ने रुधिरं पिशाचं मनोहनं जहि जातवेदः । तम् इन्द्रो वाजी वज्रेण हन्तु छिनत्तु सोमः शिरो अस्य धृष्णुः ॥१०॥
kravyādam agne rudhiraṃ piśācaṃ manohanaṃ jahi jātavedaḥ | tam indro vājī vajreṇa hantu chinattu somaḥ śiro asya dhṛṣṇuḥ ||10||
The flesh-eating, bloody (rudhirá), mind-slaying piçācá do thou slay, O Agni, Jātavedas; let the vigorous Indra slay him with the thunderbolt; let bold Soma cut [off] his head.
Translated by William Dwight Whitney (1905)
सनाद् अग्ने मृणसि यातुधानान् न त्वा रक्षांसि पृतनासु जिग्युः । सहमूरान् अनु दह क्रव्यादो मा ते हेत्या मुक्षत दैव्यायाः ॥११॥
sanād agne mṛṇasi yātudhānān na tvā rakṣāṃsi pṛtanāsu jigyuḥ | sahamūrān anu daha kravyādo mā te hetyā mukṣata daivyāyāḥ ||11||
From of old, O Agni, thou killest the sorcerers; the demons have not conquered thee in fights; burn up the flesh-eaters together with their dupes (?); let them not be freed from thy heavenly missile.
Translated by William Dwight Whitney (1905)
समाहर जातवेदो यद् धृतं यत् पराभृतम् । गात्राण्य् अस्य वर्धन्ताम् अंशुर् इवा प्यायताम् अयम् ॥१२॥
samāhara jātavedo yad dhṛtaṃ yat parābhṛtam | gātrāṇy asya vardhantām aṃśur ivā pyāyatām ayam ||12||
Bring together, O Jātavedas, what is taken, what borne away; let his members (gā́tra) increase; let this man fill up like a soma-stalk.
Translated by William Dwight Whitney (1905)
सोमस्येव जातवेदो अंशुर् आ प्यायताम् अयम् । अग्ने विरप्शिनं मेध्यम् अयक्ष्मं कृणु जीवतु ॥१३॥
somasyeva jātavedo aṃśur ā pyāyatām ayam | agne virapśinaṃ medhyam ayakṣmaṃ kṛṇu jīvatu ||13||
Like a stalk of soma, O Jātavedas, let this man fill up; make him, O Agni, exuberant, sacrificial (médhya), free from yákṣma; let him live.
Translated by William Dwight Whitney (1905)
एतास् ते अग्ने समिधः पिशाचजम्भनीः । तास् त्वं जुषस्व प्रति चैना गृहाण जातवेदः ॥१४॥
etās te agne samidhaḥ piśācajambhanīḥ | tās tvaṃ juṣasva prati cainā gṛhāṇa jātavedaḥ ||14||
These, O Agni, are thy piçācá -grinding pieces of fuel; them do thou enjoy, and accept them, O Jātavedas.
Translated by William Dwight Whitney (1905)
तार्ष्टाघीर् अग्ने समिधः प्रति गृह्णाह्य् अर्चिषा । जहातु क्रव्याद् रूपं यो अस्य मांसं जिहीर्षति ॥१५॥
tārṣṭāghīr agne samidhaḥ prati gṛhṇāhy arciṣā | jahātu kravyād rūpaṃ yo asya māṃsaṃ jihīrṣati ||15||
The pieces of fuel of tārṣṭāghá, O Agni, do thou accept with flame (arcís); let the flesh-eater who wants to take this man's flesh (māṅsá) quit his form.
Translated by William Dwight Whitney (1905)