Library·Atharvaveda Saṃhitā (Śaunaka)·6·6.119
यद् अदीव्यन्न् ऋणम् अहं कृणोम्य् अदास्यन्न् अग्ने उत संगृणामि । वैश्वानरो नो अधिपा वसिष्ठ उद् इन् नयाति सुकृतस्य लोकम् ॥१॥
yad adīvyann ṛṇam ahaṃ kṛṇomy adāsyann agne uta saṃgṛṇāmi | vaiśvānaro no adhipā vasiṣṭha ud in nayāti sukṛtasya lokam ||1||
If (yát), not playing, I make debt, also, O Agni, promise (sam-gṛ) not intending to give, may Vāiçvānara, our best over-ruler, verily lead us up to the world of the well-done.
Translated by William Dwight Whitney (1905)
वैश्वानराय प्रति वेदयामि यदि ऋणं संगरो देवतासु । स एतान् पाशान् विचृतम् वेद सर्वान् अथ पक्वेन सह सं भवेम ॥२॥
vaiśvānarāya prati vedayāmi yadi ṛṇaṃ saṃgaro devatāsu | sa etān pāśān vicṛtam veda sarvān atha pakvena saha saṃ bhavema ||2||
I make it known to Vāiçvānara, if [there is on my part] promise of debt to the deities; he knows how to unfasten all these bonds; so may we be united with what is cooked (pakvá).
Translated by William Dwight Whitney (1905)
वैश्वानरः पविता मा पुनातु यत् संगरम् अभिधावाम्य् आशाम् । अनाजानन् मनसा याचमानो यत् तत्रैनो अप तत् सुवामि ॥३॥
vaiśvānaraḥ pavitā mā punātu yat saṃgaram abhidhāvāmy āśām | anājānan manasā yācamāno yat tatraino apa tat suvāmi ||3||
Let Vāiçvānara the purifier purify me, if (yát) I run against a promise, an expectation (ācā́), not acknowledging, begging with my mind; what sin is therein, that I impel away.
Translated by William Dwight Whitney (1905)