Library·Atharvaveda Saṃhitā (Śaunaka)·6·6.120
यद् अन्तरिक्षं पृथिवीम् उत द्याम् यन् मातरं पितरं वा जिहिंसिम । अयं तस्माद् गार्हपत्यो नो अग्निर् उद् इन् नयाति सुकृतस्य लोकम् ॥१॥
yad antarikṣaṃ pṛthivīm uta dyām yan mātaraṃ pitaraṃ vā jihiṃsima | ayaṃ tasmād gārhapatyo no agnir ud in nayāti sukṛtasya lokam ||1||
Sanskrit only: no published translation is held for this verse.
भूमिर् मातादितिर् नो जनित्रं भ्रातान्तरिक्षम् अभिशस्त्या नः । द्यौर् नः पिता पित्र्याच् छं भवाति जामिम् ऋत्वा माव पत्सि लोकात् ॥२॥
bhūmir mātāditir no janitraṃ bhrātāntarikṣam abhiśastyā naḥ | dyaur naḥ pitā pitryāc chaṃ bhavāti jāmim ṛtvā māva patsi lokāt ||2||
Sanskrit only: no published translation is held for this verse.
यत्रा सुहार्दः सुकृतो मदन्ति विहाय रोगं तन्वः स्वायाः । अश्लोना अङ्गैर् अह्रुताः स्वर्गे तत्र पश्येम पितरौ च पुत्रान् ॥३॥
yatrā suhārdaḥ sukṛto madanti vihāya rogaṃ tanvaḥ svāyāḥ | aślonā aṅgair ahrutāḥ svarge tatra paśyema pitarau ca putrān ||3||
Sanskrit only: no published translation is held for this verse.