Library·Atharvaveda Saṃhitā (Śaunaka)·6·6.123
एतं सधस्थाः परि वो ददामि यं शेवधिम् आवहाज् जातवेदः । अन्वागन्ता यजमानः स्वस्ति तं स्म जानीत परमे व्योमन् ॥१॥
etaṃ sadhasthāḥ pari vo dadāmi yaṃ śevadhim āvahāj jātavedaḥ | anvāgantā yajamānaḥ svasti taṃ sma jānīta parame vyoman ||1||
This one, O ye associates (? sadhástha), I deliver to you, whom Jātavedas shall carry [as] a treasure; the sacrificer follows after well-being; him do ye recognize in the highest firmament.
Translated by William Dwight Whitney (1905)
जानीत स्मैनं परमे व्योमन् देवाः सधस्था विद लोकम् अत्र । अन्वागन्ता यजमानः स्वस्तीष्टापूर्तं स्म कृणुताविर् अस्मै ॥२॥
jānīta smainaṃ parame vyoman devāḥ sadhasthā vida lokam atra | anvāgantā yajamānaḥ svastīṣṭāpūrtaṃ sma kṛṇutāvir asmai ||2||
Recognize ye him in the highest firmament; ye divine associates, ye know [his] world there; the sacrificer follows after well-being; make ye what he has offered and bestowed plain for him.
Translated by William Dwight Whitney (1905)
देवाः पितरः पितरो देवाः । यो अस्मि सो अस्मि ॥३॥
devāḥ pitaraḥ pitaro devāḥ | yo asmi so asmi ||3||
O gods! O Fathers! O Fathers! O gods! who I am, he am I.
Translated by William Dwight Whitney (1905)
स पचामि स ददामि । स यजे स दत्तान् मा यूषम् ॥४॥
sa pacāmi sa dadāmi | sa yaje sa dattān mā yūṣam ||4||
He do I cook, he do I give, he do I offer; [as] he, let me not be parted from what is given.
Translated by William Dwight Whitney (1905)
नाके राजन् प्रति तिष्ठ तत्रैतत् प्रति तिष्ठतु । विद्धि पूर्तस्य नो राजन्त् स देव सुमना भव ॥५॥
nāke rājan prati tiṣṭha tatraitat prati tiṣṭhatu | viddhi pūrtasya no rājant sa deva sumanā bhava ||5||
In the firmament, O king, stand firm; there let this stand firm; know of what we have bestowed, O king; do thou, O god, be well-willing.
Translated by William Dwight Whitney (1905)