Atharvaveda Saṃhitā (Śaunaka) 6.21

इमा यास् तिस्रः पृथिवीस् तासां ह भूमिर् उत्तमा । तासाम् अधि त्वचो अहं भेषजं सम् उ जग्रभम् ॥१॥

imā yās tisraḥ pṛthivīs tāsāṃ ha bhūmir uttamā | tāsām adhi tvaco ahaṃ bheṣajaṃ sam u jagrabham ||1||

Sanskrit only: no published translation is held for this verse.

श्रेष्ठम् असि भेषजानां वसिष्ठं वीरुधानाम् । सोमो भग इव यामेषु देवेषु वरुणो यथा ॥२॥

śreṣṭham asi bheṣajānāṃ vasiṣṭhaṃ vīrudhānām | somo bhaga iva yāmeṣu deveṣu varuṇo yathā ||2||

Sanskrit only: no published translation is held for this verse.

रेवतीर् अनाधृषः सिषासवः सिषासथ । उत स्थ केशदृम्हणीर् अथो ह केशवर्धनीः ॥३॥

revatīr anādhṛṣaḥ siṣāsavaḥ siṣāsatha | uta stha keśadṛmhaṇīr atho ha keśavardhanīḥ ||3||

Sanskrit only: no published translation is held for this verse.