Library·Atharvaveda Saṃhitā (Śaunaka)·6·6.29
अमून् हेतिः पतत्रिणी न्य् एतु यद् उलूको वदति मोघम् एतत् । यद् वा कपोत पदम् अग्नौ कृणोति ॥१॥
amūn hetiḥ patatriṇī ny etu yad ulūko vadati mogham etat | yad vā kapota padam agnau kṛṇoti ||1||
Them yonder let the winged missile come upon; what the owl utters, [be] that to no purpose, or that the dove makes its track (padá) at the fire.
Translated by William Dwight Whitney (1905)
यौ ते दूतौ निरृत इदम् एतो ऽप्रहितौ प्रहितौ वा गृहं नः । कपोतोलूकाभ्याम् अपदं तद् अस्तु ॥२॥
yau te dūtau nirṛta idam eto 'prahitau prahitau vā gṛhaṃ naḥ | kapotolūkābhyām apadaṃ tad astu ||2||
Thy two messengers, O perdition, that come hither, not sent forth or sent forth, to our house—for the dove and owl be this no place.
Translated by William Dwight Whitney (1905)
अवैरहत्यायेदम् आ पपत्यात् सुवीरताया इदम् आ ससद्यात् । पराङ् एव परा वद पराचीम् अनु संवतम् । यथा यमस्य त्वा गृहे ऽरसं प्रतिचाकशान् आभूकं प्रतिचाकशान् ॥३॥
avairahatyāyedam ā papatyāt suvīratāyā idam ā sasadyāt | parāṅ eva parā vada parācīm anu saṃvatam | yathā yamasya tvā gṛhe 'rasaṃ praticākaśān ābhūkaṃ praticākaśān ||3||
May it fly hither in order to non-destruction of heroes; may it settle (ā-sad) here in order to abundance of heroes; turned away, do thou speak away, toward a distant stretch (? saṁvát); so that in Yama's house they may look upon thee [as] sapless, may look upon [thee as] empty (ābhū́ka).
Translated by William Dwight Whitney (1905)