Library·Atharvaveda Saṃhitā (Śaunaka)·6·6.32
अन्तर्दावे जुहुत स्व् एतद् यातुधानक्षयणं घृतेन । आराद् रक्षांसि प्रति दह त्वम् अग्ने न नो गृहाणाम् उप तीतपासि ॥१॥
antardāve juhuta sv etad yātudhānakṣayaṇaṃ ghṛtena | ārād rakṣāṃsi prati daha tvam agne na no gṛhāṇām upa tītapāsi ||1||
Within the flame, pray, make ye this sorcerer-destroying libation with ghee; from afar, O Agni, do thou burn against the demons; mayest thou not be hot toward our houses.
Translated by William Dwight Whitney (1905)
रुद्रो वो ग्रीवा अशरैत् पिशाचाः पृष्टीर् वो ऽपि शृणातु यातुधानाः । वीरुद् वो विश्वतोवीर्या यमेन सम् अजीगमत् ॥२॥
rudro vo grīvā aśarait piśācāḥ pṛṣṭīr vo 'pi śṛṇātu yātudhānāḥ | vīrud vo viśvatovīryā yamena sam ajīgamat ||2||
Rudra hath crushed (çṛ) your necks, O piçācás; let him crush in (api-çṛ) your ribs, O sorcerers; the plant of universal power hath made you go to Yama.
Translated by William Dwight Whitney (1905)
अभयं मित्रावरुणाव् इहास्तु नो ऽर्चिषात्त्रिणो नुदतं प्रतीचः । मा ज्ञातारं मा प्रतिष्ठां विदन्त मिथो विघ्नाना उप यन्तु मृत्युम् ॥३॥
abhayaṃ mitrāvaruṇāv ihāstu no 'rciṣāttriṇo nudataṃ pratīcaḥ | mā jñātāraṃ mā pratiṣṭhāṃ vidanta mitho vighnānā upa yantu mṛtyum ||3||
Fearlessness, O Mitra-and-Varuṇa, be ours here; drive ye backward the devourers with your gleam; let them not find a knower, nor a foundation (pratiṣṭhā́); mutually destroying one another let them go unto death.
Translated by William Dwight Whitney (1905)