Library·Atharvaveda Saṃhitā (Śaunaka)·6·6.34
प्राग्नये वाचम् ईरय वृषभाय क्षितीनाम् । स नः पर्षद् अति द्विषः ॥१॥
prāgnaye vācam īraya vṛṣabhāya kṣitīnām | sa naḥ parṣad ati dviṣaḥ ||1||
Send thou forth the voice for Agni, bull of people (kṣití): may he pass us over our haters.
Translated by William Dwight Whitney (1905)
यो रक्षांसि निजूर्वत्य् अग्निस् तिग्मेन शोचिषा । स नः पर्षद् अति द्विषः ॥२॥
yo rakṣāṃsi nijūrvaty agnis tigmena śociṣā | sa naḥ parṣad ati dviṣaḥ ||2||
He who burns down the demons, Agni, with sharp heat (çocís): may he etc. etc.
Translated by William Dwight Whitney (1905)
यः परस्याः परावतस् तिरो धन्वातिरोचते । स नः पर्षद् अति द्विषः ॥३॥
yaḥ parasyāḥ parāvatas tiro dhanvātirocate | sa naḥ parṣad ati dviṣaḥ ||3||
He who from distant distance shines over across the wastes: may he etc. etc.
Translated by William Dwight Whitney (1905)
यो विश्वाभि विपश्यति भुवना सं च पश्यति । स नः पर्षद् अति द्विषः ॥४॥
yo viśvābhi vipaśyati bhuvanā saṃ ca paśyati | sa naḥ parṣad ati dviṣaḥ ||4||
Who looks forth upon and beholds together all beings: may he etc. etc.
Translated by William Dwight Whitney (1905)
यो अस्य पारे रजसः शुक्रो अग्निर् अजायत । स नः पर्षद् अति द्विषः ॥५॥
yo asya pāre rajasaḥ śukro agnir ajāyata | sa naḥ parṣad ati dviṣaḥ ||5||
Who, the bright Agni, was born on the further shore of this firmament (rájas): may he etc. etc.
Translated by William Dwight Whitney (1905)