Library·Atharvaveda Saṃhitā (Śaunaka)·6·6.61
मह्यम् आपो मधुमद् एरयन्तां मह्यं सूरो अभरज् ज्योतिषे कम् । मह्यं देवा उत विश्वे तपोजा मह्यं देवः सविता व्यचो धात् ॥१॥
mahyam āpo madhumad erayantāṃ mahyaṃ sūro abharaj jyotiṣe kam | mahyaṃ devā uta viśve tapojā mahyaṃ devaḥ savitā vyaco dhāt ||1||
To me let the waters send what has sweetness; to me the sun brought [it] in order to light; to me the gods, and all those born of penance—to me let god Savitar assign expansion ⌊ vyácas ⌋.
Translated by William Dwight Whitney (1905)
अहं विवेच पृथिवीम् उत द्याम् अहम् ऋतूंर् अजनयं सप्त साकम् । अहं सत्यम् अनृतं यद् वदाम्य् अहं दैवीं परि वाचम् विशश् च ॥२॥
ahaṃ viveca pṛthivīm uta dyām aham ṛtūṃr ajanayaṃ sapta sākam | ahaṃ satyam anṛtaṃ yad vadāmy ahaṃ daivīṃ pari vācam viśaś ca ||2||
I expanded (?) earth and heaven, I generated the seasons, seven together; I speak true what is untrue; I encompass (pári) divine speech and people (víças).
Translated by William Dwight Whitney (1905)
अहं जजान पृथिवीम् उत द्याम् अहम् ऋतूंर् अजनयं सप्त सिन्धून् । अहं सत्वम् अनृतं यद् वदामि यो अग्नीषोमाव् अजुषे सखाया ॥३॥
ahaṃ jajāna pṛthivīm uta dyām aham ṛtūṃr ajanayaṃ sapta sindhūn | ahaṃ satvam anṛtaṃ yad vadāmi yo agnīṣomāv ajuṣe sakhāyā ||3||
I generated earth and heaven; I generated the seasons, the seven rivers; I speak true what is untrue (?): [I] who enjoyed Agni-and-Soma as companions.
Translated by William Dwight Whitney (1905)