Atharvaveda Saṃhitā (Śaunaka) 7.108

यो न स्तायद् दिप्सति यो न आविः स्वो विद्वान् अरणो वा नो अग्ने । प्रतीच्य् एत्व् अरणी दत्वती तान् मैषाम् अग्ने वास्तु भून् मो अपत्यम् ॥१॥

yo na stāyad dipsati yo na āviḥ svo vidvān araṇo vā no agne | pratīcy etv araṇī datvatī tān maiṣām agne vāstu bhūn mo apatyam ||1||

Sanskrit only: no published translation is held for this verse.

यो नः सुप्तान् जाग्रतो वाभिदासात् तिष्ठतो वा चरतो जातवेदः । वैश्वानरेण सयुजा सजोषास् तान् प्रतीचो निर् दह जातवेदः ॥२॥

yo naḥ suptān jāgrato vābhidāsāt tiṣṭhato vā carato jātavedaḥ | vaiśvānareṇa sayujā sajoṣās tān pratīco nir daha jātavedaḥ ||2||

Sanskrit only: no published translation is held for this verse.