प्र पतेतः पापि लक्ष्मि नश्येतः प्रामुतः पत । अयस्मयेनाङ्केन द्विषते त्वा सजामसि ॥१॥
pra patetaḥ pāpi lakṣmi naśyetaḥ prāmutaḥ pata | ayasmayenāṅkena dviṣate tvā sajāmasi ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·7·7.115
Atharvaveda Saṃhitā (Śaunaka) 7.115
या मा लक्ष्मीः पतयालूर् अजुष्टाभिचस्कन्द वन्दनेव वृक्षम् । अन्यत्रास्मत् सवितस् ताम् इतो धा हिरण्यहस्तो वसु नो रराणः ॥२॥
yā mā lakṣmīḥ patayālūr ajuṣṭābhicaskanda vandaneva vṛkṣam | anyatrāsmat savitas tām ito dhā hiraṇyahasto vasu no rarāṇaḥ ||2||
Sanskrit only: no published translation is held for this verse.
एकशतं लक्ष्म्यो मर्त्यस्य साकं तन्वा जनुषो ऽधि जाताः । तासां पापिष्ठा निर् इतः प्र हिण्मः शिवा अस्मभ्यं जातवेदो नियछ ॥३॥
ekaśataṃ lakṣmyo martyasya sākaṃ tanvā januṣo 'dhi jātāḥ | tāsāṃ pāpiṣṭhā nir itaḥ pra hiṇmaḥ śivā asmabhyaṃ jātavedo niyacha ||3||
Sanskrit only: no published translation is held for this verse.
एता एना व्याकरं खिले गा विष्ठिता इव । रमन्तां पुण्या लक्ष्मीर् याः पापीस् ता अनीनशम् ॥४॥
etā enā vyākaraṃ khile gā viṣṭhitā iva | ramantāṃ puṇyā lakṣmīr yāḥ pāpīs tā anīnaśam ||4||
Sanskrit only: no published translation is held for this verse.