अभि त्यं देवं सवितारम् ओण्योः कविक्रतुम् । अर्चामि सत्यसवं रत्नधाम् अभि प्रियं मतिम् ॥१॥
abhi tyaṃ devaṃ savitāram oṇyoḥ kavikratum | arcāmi satyasavaṃ ratnadhām abhi priyaṃ matim ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·7·7.14
Atharvaveda Saṃhitā (Śaunaka) 7.14
उर्ध्वा यस्यामतिर् भा अदिद्युतत् सवीमनि । हिरण्यपाणिर् अमिमीत सुक्रतुः कृपात् स्वः ॥२॥
urdhvā yasyāmatir bhā adidyutat savīmani | hiraṇyapāṇir amimīta sukratuḥ kṛpāt svaḥ ||2||
Sanskrit only: no published translation is held for this verse.
सावीर् हि देव प्रथमाय पित्रे वर्ष्माणम् अस्मै वरिमाणम् अस्मै । अथास्मभ्यं सवितर् वार्याणि दिवोदिव आ सुवा भूरि पश्वः ॥३॥
sāvīr hi deva prathamāya pitre varṣmāṇam asmai varimāṇam asmai | athāsmabhyaṃ savitar vāryāṇi divodiva ā suvā bhūri paśvaḥ ||3||
Sanskrit only: no published translation is held for this verse.
दमूना देवः सविता वरेण्यो दधद् रत्नं पितृभ्य आयूंषि । पिबात् सोमं ममदद् एनम् इष्टे परिज्मा चित् क्रमते अस्य धर्मणि ॥४॥
damūnā devaḥ savitā vareṇyo dadhad ratnaṃ pitṛbhya āyūṃṣi | pibāt somaṃ mamadad enam iṣṭe parijmā cit kramate asya dharmaṇi ||4||
Sanskrit only: no published translation is held for this verse.