धाता दधातु नो रयिम् ईशानो जगतस् पतिः । स नः पूर्णेन यछतु ॥१॥
dhātā dadhātu no rayim īśāno jagatas patiḥ | sa naḥ pūrṇena yachatu ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·7·7.17
Atharvaveda Saṃhitā (Śaunaka) 7.17
धाता दधातु दाशुषे प्राचीं जीवातुम् अक्षिताम् । वयम् देवस्य धीमहि सुमतिं विश्वराधसः ॥२॥
dhātā dadhātu dāśuṣe prācīṃ jīvātum akṣitām | vayam devasya dhīmahi sumatiṃ viśvarādhasaḥ ||2||
Sanskrit only: no published translation is held for this verse.
धाता विश्वा वार्या दधातु प्रजाकामाय दाशुषे दुरोणे । तस्मै देवा अमृतं सं व्ययन्तु विश्वे देवा अदितिः सजोषाः ॥३॥
dhātā viśvā vāryā dadhātu prajākāmāya dāśuṣe duroṇe | tasmai devā amṛtaṃ saṃ vyayantu viśve devā aditiḥ sajoṣāḥ ||3||
Sanskrit only: no published translation is held for this verse.
धाता रातिः सवितेदं जुषन्तां प्रजापतिर् निधिपतिर् नो अग्निः । त्वष्टा विष्णुः प्रजया संरराणो यजमानाय द्रविणं दधातु ॥४॥
dhātā rātiḥ savitedaṃ juṣantāṃ prajāpatir nidhipatir no agniḥ | tvaṣṭā viṣṇuḥ prajayā saṃrarāṇo yajamānāya draviṇaṃ dadhātu ||4||
Sanskrit only: no published translation is held for this verse.