अन्व् अद्य नो ऽनुमतिर् यज्ञं देवेषु मन्यताम् । अग्निश् च हव्यवाहनो भवतां दाशुषे मम ॥१॥
anv adya no 'numatir yajñaṃ deveṣu manyatām | agniś ca havyavāhano bhavatāṃ dāśuṣe mama ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·7·7.20
Atharvaveda Saṃhitā (Śaunaka) 7.20
अन्व् इद् अनुमते त्वं मंससे शं च नस् कृधि । जुषस्व हव्यम् आहुतं प्रजां देवि ररास्व नः ॥२॥
anv id anumate tvaṃ maṃsase śaṃ ca nas kṛdhi | juṣasva havyam āhutaṃ prajāṃ devi rarāsva naḥ ||2||
Sanskrit only: no published translation is held for this verse.
अनु मन्यताम् अनुमन्यमानः प्रजावन्तं रयिम् अक्षीयमाणम् । तस्य वयं हेडसि मापि भूम सुमृडीके अस्य सुमतौ स्याम ॥३॥
anu manyatām anumanyamānaḥ prajāvantaṃ rayim akṣīyamāṇam | tasya vayaṃ heḍasi māpi bhūma sumṛḍīke asya sumatau syāma ||3||
Sanskrit only: no published translation is held for this verse.
यत् ते नाम सुहवं सुप्रणीते ऽनुमते अनुमतं सुदानु । तेना नो यज्ञं पिपृहि विश्ववारे रयिं नो धेहि सुभगे सुवीरम् ॥४॥
yat te nāma suhavaṃ supraṇīte 'numate anumataṃ sudānu | tenā no yajñaṃ pipṛhi viśvavāre rayiṃ no dhehi subhage suvīram ||4||
Sanskrit only: no published translation is held for this verse.
एमं यज्ञम् अनुमतिर् जगाम सुक्षेत्रतायै सुवीरतायै सुजातम् । भद्रा ह्य् अस्याः प्रमतिर् बभूव सेमम् यज्ञम् अवतु देवगोपा ॥५॥
emaṃ yajñam anumatir jagāma sukṣetratāyai suvīratāyai sujātam | bhadrā hy asyāḥ pramatir babhūva semam yajñam avatu devagopā ||5||
Sanskrit only: no published translation is held for this verse.
अनुमतिः सर्वम् इदं बभूव यत् तिष्ठति चरति यद् उ च विश्वम् एजति । तस्यास् ते देवि सुमतौ स्यामानुमते अनु हि मंससे नः ॥६॥
anumatiḥ sarvam idaṃ babhūva yat tiṣṭhati carati yad u ca viśvam ejati | tasyās te devi sumatau syāmānumate anu hi maṃsase naḥ ||6||
Sanskrit only: no published translation is held for this verse.