Atharvaveda Saṃhitā (Śaunaka) 7.25

ययोर् ओजसा स्कभिता रजांसि यौ वीर्यैर् वीरतमा शविष्ठा । यौ पत्येते अप्रतीतौ सहोभिर् विष्णुम् अगन् वरुणं पूर्वहूतिः ॥१॥

yayor ojasā skabhitā rajāṃsi yau vīryair vīratamā śaviṣṭhā | yau patyete apratītau sahobhir viṣṇum agan varuṇaṃ pūrvahūtiḥ ||1||

Sanskrit only: no published translation is held for this verse.

यस्येदं प्रदिशि यद् विरोचते प्र चानति वि च चष्टे शचीभिः । पुरा देवस्य धर्मणा सहोभिर् विष्णुम् अगन् वरुणं पूर्वहूतिः ॥२॥

yasyedaṃ pradiśi yad virocate pra cānati vi ca caṣṭe śacībhiḥ | purā devasya dharmaṇā sahobhir viṣṇum agan varuṇaṃ pūrvahūtiḥ ||2||

Sanskrit only: no published translation is held for this verse.