इदम् खनामि भेषजं मांपश्यम् अभिरोरुदम् । परायतो निवर्तनम् आयतः प्रतिनन्दनम् ॥१॥
idam khanāmi bheṣajaṃ māṃpaśyam abhirorudam | parāyato nivartanam āyataḥ pratinandanam ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·7·7.38
Atharvaveda Saṃhitā (Śaunaka) 7.38
येना निचक्र आसुरीन्द्रं देवेभ्यस् परि । तेना नि कुर्वे त्वाम् अहं यथा ते ऽसानि सुप्रिया ॥२॥
yenā nicakra āsurīndraṃ devebhyas pari | tenā ni kurve tvām ahaṃ yathā te 'sāni supriyā ||2||
Sanskrit only: no published translation is held for this verse.
प्रतीची सोमम् असि प्रतीची उत सूर्यम् । प्रतीची विश्वान् देवान् तां त्वाछावदामसि ॥३॥
pratīcī somam asi pratīcī uta sūryam | pratīcī viśvān devān tāṃ tvāchāvadāmasi ||3||
Sanskrit only: no published translation is held for this verse.
अहं वदामि नेत् त्वं सभायाम् अह त्वं वद । ममेद् असस् त्वं केवलो नान्यासां कीर्तयाश् चन ॥४॥
ahaṃ vadāmi net tvaṃ sabhāyām aha tvaṃ vada | mamed asas tvaṃ kevalo nānyāsāṃ kīrtayāś cana ||4||
Sanskrit only: no published translation is held for this verse.
यदि वासि तिरोजनं यदि वा नद्यस् तिरःइ । इयं ह मह्यं त्वाम् ओषधिर् बद्ध्वेव न्यानयत् ॥५॥
yadi vāsi tirojanaṃ yadi vā nadyas tiraḥi | iyaṃ ha mahyaṃ tvām oṣadhir baddhveva nyānayat ||5||
Sanskrit only: no published translation is held for this verse.