यथा वृक्षम् अशनिर् विश्वाहा हन्त्य् अप्रति । एवाहम् अद्य कितवान् अक्षैर् बध्यासम् अप्रति ॥१॥
yathā vṛkṣam aśanir viśvāhā hanty aprati | evāham adya kitavān akṣair badhyāsam aprati ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·7·7.50
Atharvaveda Saṃhitā (Śaunaka) 7.50
तुराणाम् अतुराणां विशाम् अवर्जुषीणाम् । समैतु विश्वतो भगो अन्तर्हस्तं कृतं मम ॥२॥
turāṇām aturāṇāṃ viśām avarjuṣīṇām | samaitu viśvato bhago antarhastaṃ kṛtaṃ mama ||2||
Sanskrit only: no published translation is held for this verse.
ईडे अग्निं स्वावसुं नमोभिर् इह प्रसक्तो वि चयत् कृतं नः । रथैर् इव प्र भरे वाजयद्भिः प्रदक्षिणं मरुतां स्तोमम् ऋध्याम् ॥३॥
īḍe agniṃ svāvasuṃ namobhir iha prasakto vi cayat kṛtaṃ naḥ | rathair iva pra bhare vājayadbhiḥ pradakṣiṇaṃ marutāṃ stomam ṛdhyām ||3||
I LAUD with reverence the gracious Agni: here may he sit and part our meed among us. As with spoil-seeking cars I bring oblation: turned rightward I will swell the Marut's, praise-song.
Translated by Ralph T. H. Griffith (1896)This is the translator's rendering of the same verse where it occurs at RV 5.60.1; the wording of this text may differ in places.
वयं जयेम त्वया युजा वृतम् अस्माकम् अंशम् उद् अव भरेभरे । अस्मभ्यम् इन्द्र वरीयः सुगं कृधि प्र शत्रूणां मघवन् वृष्ण्या रुज ॥४॥
vayaṃ jayema tvayā yujā vṛtam asmākam aṃśam ud ava bharebhare | asmabhyam indra varīyaḥ sugaṃ kṛdhi pra śatrūṇāṃ maghavan vṛṣṇyā ruja ||4||
Encourage thou our side in every fight: may we, with thee for our ally, conquer the foeman's host. Indra, bestow on us joy and felicity break down, O Maghavan, the vigour of our foes.
Translated by Ralph T. H. Griffith (1896)This is the translator's rendering of the same verse where it occurs at RV 1.102.4; the wording of this text may differ in places.
अजैषं त्वा संलिखितम् अजैषम् उत संरुधम् । अविं वृको यथा मथद् एवा मथ्नामि ते कृतम् ॥५॥
ajaiṣaṃ tvā saṃlikhitam ajaiṣam uta saṃrudham | aviṃ vṛko yathā mathad evā mathnāmi te kṛtam ||5||
Sanskrit only: no published translation is held for this verse.
उत प्रहाम् अतिदीवा जयति कृतम् इव श्वघ्नी वि चिनोति काले । यो देवकामो न धनम् रुणद्धि सम् इत् तं रायः सृजति स्वधाभिः ॥६॥
uta prahām atidīvā jayati kṛtam iva śvaghnī vi cinoti kāle | yo devakāmo na dhanam ruṇaddhi sam it taṃ rāyaḥ sṛjati svadhābhiḥ ||6||
Sanskrit only: no published translation is held for this verse.
गोभिष् टरेमामतिं दुरेवां यवेन वा क्षुधं पुरुहूत विश्वे । वयं राजसु प्रथमा धनान्य् अरिष्टासो वृजनीभिर् जयेम ॥७॥
gobhiṣ ṭaremāmatiṃ durevāṃ yavena vā kṣudhaṃ puruhūta viśve | vayaṃ rājasu prathamā dhanāny ariṣṭāso vṛjanībhir jayema ||7||
Sanskrit only: no published translation is held for this verse.
कृतं मे दक्षिणे हस्ते जयो मे सव्य आहितः । गोजिद् भूयासम् अश्वजिद् धनंजयो हिरण्यजित् ॥८॥
kṛtaṃ me dakṣiṇe haste jayo me savya āhitaḥ | gojid bhūyāsam aśvajid dhanaṃjayo hiraṇyajit ||8||
Sanskrit only: no published translation is held for this verse.
अक्षाः फलवतीम् द्युवं दत्त गां क्षीरिणीम् इव । सं मा कृतस्य धारया धनुः स्नाव्नेव नह्यत ॥९॥
akṣāḥ phalavatīm dyuvaṃ datta gāṃ kṣīriṇīm iva | saṃ mā kṛtasya dhārayā dhanuḥ snāvneva nahyata ||9||
Sanskrit only: no published translation is held for this verse.