Atharvaveda Saṃhitā (Śaunaka) 7.76

आ सुस्रसः सुस्रसो असतीभ्यो असत्तराः । सेहोर् अरसतरा हवणाद् विक्लेदीयसीः ॥१॥

ā susrasaḥ susraso asatībhyo asattarāḥ | sehor arasatarā havaṇād vikledīyasīḥ ||1||

Sanskrit only: no published translation is held for this verse.

या ग्रैव्या अपचितो ऽथो या उपपक्ष्याः । विजाम्नि या अपचितः स्वयंस्रसः ॥२॥

yā graivyā apacito 'tho yā upapakṣyāḥ | vijāmni yā apacitaḥ svayaṃsrasaḥ ||2||

Sanskrit only: no published translation is held for this verse.

यः कीकसाः प्रशृणाति तलीद्यम् अवतिष्ठति । निर् हास् तं सर्वं जायान्यम् यः कश् च ककुदि श्रितः ॥३॥

yaḥ kīkasāḥ praśṛṇāti talīdyam avatiṣṭhati | nir hās taṃ sarvaṃ jāyānyam yaḥ kaś ca kakudi śritaḥ ||3||

Sanskrit only: no published translation is held for this verse.

पक्षी जायान्यः पतति स आ विशति पूरुषम् । तद् अक्षितस्य भेषजम् उभयोः सुक्षतस्य च ॥४॥

pakṣī jāyānyaḥ patati sa ā viśati pūruṣam | tad akṣitasya bheṣajam ubhayoḥ sukṣatasya ca ||4||

Sanskrit only: no published translation is held for this verse.

विद्म वै ते जायान्य जानं यतो जायान्य जायसे । कथं ह तत्र त्वम् हनो यस्य कृण्मो हविर् गृहे ॥१॥

vidma vai te jāyānya jānaṃ yato jāyānya jāyase | kathaṃ ha tatra tvam hano yasya kṛṇmo havir gṛhe ||1||

Sanskrit only: no published translation is held for this verse.

धृषत् पिब कलशे सोमम् इन्द्र वृत्रहा शूर समरे वसूनाम् । माध्यन्दिने सवन आ वृषस्व रयिष्ठानो रयिम् अस्मासु धेहि ॥२॥

dhṛṣat piba kalaśe somam indra vṛtrahā śūra samare vasūnām | mādhyandine savana ā vṛṣasva rayiṣṭhāno rayim asmāsu dhehi ||2||