Atharvaveda Saṃhitā (Śaunaka) 7.79

यत् ते देवा अकृण्वन् भागधेयम् अमावास्ये संवसन्तो महित्वा । तेना नो यज्ञं पिपृहि विश्ववारे रयिं नो धेहि सुभगे सुवीरम् ॥१॥

yat te devā akṛṇvan bhāgadheyam amāvāsye saṃvasanto mahitvā | tenā no yajñaṃ pipṛhi viśvavāre rayiṃ no dhehi subhage suvīram ||1||

Sanskrit only: no published translation is held for this verse.

अहम् एवास्म्य् अमावास्या माम् आ वसन्ति सुकृतो मयीमे । मयि देवा उभये साद्याश् चेन्द्रज्येष्ठाः सम् अगछन्त सर्वे ॥२॥

aham evāsmy amāvāsyā mām ā vasanti sukṛto mayīme | mayi devā ubhaye sādyāś cendrajyeṣṭhāḥ sam agachanta sarve ||2||

Sanskrit only: no published translation is held for this verse.

आगन् रात्री सङ्गमनी वसूनाम् ऊर्जं पुष्टं वस्व् आवेशयन्ती । अमावास्यायै हविष विधेमोर्जं दुहाना पयसा न आगन् ॥३॥

āgan rātrī saṅgamanī vasūnām ūrjaṃ puṣṭaṃ vasv āveśayantī | amāvāsyāyai haviṣa vidhemorjaṃ duhānā payasā na āgan ||3||

Sanskrit only: no published translation is held for this verse.

अमावास्ये न त्वद् एतान्य् अन्यो विश्वा रूपाणि परिभूर् जजान । यत्कामास् ते जुहुमस् तन् नो अस्तु वयं स्याम पतयो रयिणाम् ॥४॥

amāvāsye na tvad etāny anyo viśvā rūpāṇi paribhūr jajāna | yatkāmās te juhumas tan no astu vayaṃ syāma patayo rayiṇām ||4||

Sanskrit only: no published translation is held for this verse.