AVŚ 8.10.22
सोद् अक्रामत् सासुरान् आगछत् ताम् असुरा उपाह्वयन्त माय एहीति । तस्या विरोचनः प्राह्रादिर् वत्स आसीद् अयस्पात्रं पात्रम् । तां द्विमूर्धार्त्व्यो ऽधोक् तां मायाम् एवाधोक् ॥ तां मायाम् असुरा उप जीवन्त्य् उपजीवनीयो भवति य एवं वेद ॥२२॥
sod akrāmat sāsurān āgachat tām asurā upāhvayanta māya ehīti | tasyā virocanaḥ prāhrādir vatsa āsīd ayaspātraṃ pātram | tāṃ dvimūrdhārtvyo 'dhok tāṃ māyām evādhok || tāṃ māyām asurā upa jīvanty upajīvanīyo bhavati ya evaṃ veda ||22||
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.