AVŚ 8.10.25
सोद् अक्रामत् सा सप्तऋषीन् आगछत् तां सप्तऋषय उपाह्वयन्त ब्रह्मण्वत्य् एहीति । तस्याः सोमो राजा वत्स आसीच् छन्दः पात्रम् । तां बृहस्पतिर् आङ्गिरसो ऽधोक् तां ब्रह्म च तपश् चाधोक् । तद् ब्रह्म च तपश् च सप्तऋषय उप जीवन्ति ब्रह्मवर्चस्य् उपजीवनीयो भवति य एवं वेद ॥२५॥ २८
sod akrāmat sā saptaṛṣīn āgachat tāṃ saptaṛṣaya upāhvayanta brahmaṇvaty ehīti | tasyāḥ somo rājā vatsa āsīc chandaḥ pātram | tāṃ bṛhaspatir āṅgiraso 'dhok tāṃ brahma ca tapaś cādhok | tad brahma ca tapaś ca saptaṛṣaya upa jīvanti brahmavarcasy upajīvanīyo bhavati ya evaṃ veda ||25|| 28
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.