Atharvaveda Saṃhitā (Śaunaka) 8.6

यौ ते मातोन्ममार्ज जातायाः पतिवेदनौ । दुर्णामा तत्र मा गृधद् अलिंश उत वत्सपः ॥१॥

yau te mātonmamārja jātāyāḥ pativedanau | durṇāmā tatra mā gṛdhad aliṃśa uta vatsapaḥ ||1||

Sanskrit only: no published translation is held for this verse.

पलालानुपलालौ शर्कुं कोकं मलिम्लुचं पलीजकम् । आश्रेषं वव्रिवाससम् ऋक्षग्रीवं प्रमीलिनम् ॥२॥

palālānupalālau śarkuṃ kokaṃ malimlucaṃ palījakam | āśreṣaṃ vavrivāsasam ṛkṣagrīvaṃ pramīlinam ||2||

Sanskrit only: no published translation is held for this verse.

मा सं वृतो मोप सृप ऊरू माव सृपो ऽन्तरा । कृणोम्य् अस्यै भेषजं बजं दुर्णामचातनम् ॥३॥

mā saṃ vṛto mopa sṛpa ūrū māva sṛpo 'ntarā | kṛṇomy asyai bheṣajaṃ bajaṃ durṇāmacātanam ||3||

Sanskrit only: no published translation is held for this verse.

दुर्णामा च सुनामा चोभा सम्वृतम् इछतः । अरायान् अप हन्मः सुनामा स्त्रैणम् इछताम् ॥४॥

durṇāmā ca sunāmā cobhā samvṛtam ichataḥ | arāyān apa hanmaḥ sunāmā straiṇam ichatām ||4||

Sanskrit only: no published translation is held for this verse.

यः कृष्णः केश्य् असुर स्तम्बज उत तुण्डिकः । अरायान् अस्या मुष्काभ्यां भंससो ऽप हन्मसि ॥५॥

yaḥ kṛṣṇaḥ keśy asura stambaja uta tuṇḍikaḥ | arāyān asyā muṣkābhyāṃ bhaṃsaso 'pa hanmasi ||5||

Sanskrit only: no published translation is held for this verse.

अनुजिघ्रं प्रमृशन्तं क्रव्यादम् उत रेरिहम् । अरायां छ्वकिष्किणो बजः पिङ्गो अनीनशत् ॥६॥

anujighraṃ pramṛśantaṃ kravyādam uta reriham | arāyāṃ chvakiṣkiṇo bajaḥ piṅgo anīnaśat ||6||

Sanskrit only: no published translation is held for this verse.

यस् त्वा स्वप्ने निपद्यते भ्राता भूत्वा पितेव च । बजस् तान्त् सहताम् इतः क्लीबरूपांस् तिरीटिनः ॥७॥

yas tvā svapne nipadyate bhrātā bhūtvā piteva ca | bajas tānt sahatām itaḥ klībarūpāṃs tirīṭinaḥ ||7||

Sanskrit only: no published translation is held for this verse.

यस् त्वा स्वपन्तीं त्सरति यस् त्वा दिप्सति जाग्रतीम् । छायाम् इव प्र तान्त् सूर्यः परिक्रामन्न् अनीनशत् ॥८॥

yas tvā svapantīṃ tsarati yas tvā dipsati jāgratīm | chāyām iva pra tānt sūryaḥ parikrāmann anīnaśat ||8||

Sanskrit only: no published translation is held for this verse.

यः कृणोति मृतवत्साम् अवतोकाम् इमां स्त्रियम् । तम् ओषधे त्वं नाशयास्याः कमलम् अञ्जिवम् ॥९॥

yaḥ kṛṇoti mṛtavatsām avatokām imāṃ striyam | tam oṣadhe tvaṃ nāśayāsyāḥ kamalam añjivam ||9||

Sanskrit only: no published translation is held for this verse.

ये शालाः परिनृत्यन्ति सायं गर्दभनादिनः । कुसूला ये च कुक्षिलाः ककुभाः करुमाः स्रिमाः । तान् ओषधे त्वं गन्धेन विषूचीनान् वि नाशय ॥१०॥ १४

ye śālāḥ parinṛtyanti sāyaṃ gardabhanādinaḥ | kusūlā ye ca kukṣilāḥ kakubhāḥ karumāḥ srimāḥ | tān oṣadhe tvaṃ gandhena viṣūcīnān vi nāśaya ||10|| 14

Sanskrit only: no published translation is held for this verse.

ये कुकुन्धाः कुकिरभाः कृत्तीर् दूर्शानि बिभ्रति । क्लीबा इव प्रनृत्यन्तो वने ये कुर्वते घोषं तान् इतो नाशयामसि ॥११॥

ye kukundhāḥ kukirabhāḥ kṛttīr dūrśāni bibhrati | klībā iva pranṛtyanto vane ye kurvate ghoṣaṃ tān ito nāśayāmasi ||11||

Sanskrit only: no published translation is held for this verse.

ये सूर्यं न तितिक्षन्त आतपन्तम् अमुं दिवः । अरायान् बस्तवासिनो दुर्गन्धींल् लोहितास्यान् मककान् नाशयामसि ॥१२॥

ye sūryaṃ na titikṣanta ātapantam amuṃ divaḥ | arāyān bastavāsino durgandhīṃl lohitāsyān makakān nāśayāmasi ||12||

Sanskrit only: no published translation is held for this verse.

य आत्मानम् अतिमात्रम् अंस आधाय बिभ्रति । स्त्रीणां श्रोणिप्रतोदिन इन्द्र रक्षांसि नाशय ॥१३॥

ya ātmānam atimātram aṃsa ādhāya bibhrati | strīṇāṃ śroṇipratodina indra rakṣāṃsi nāśaya ||13||

Sanskrit only: no published translation is held for this verse.

ये पूर्वे बध्वो यन्ति हस्ते शृङ्गानि बिभ्रतः । आपाकेस्थाः प्रहासिन स्तम्बे ये कुर्वते ज्योतिस् तान् इतो नाशयामसि ॥१४॥

ye pūrve badhvo yanti haste śṛṅgāni bibhrataḥ | āpākesthāḥ prahāsina stambe ye kurvate jyotis tān ito nāśayāmasi ||14||

Sanskrit only: no published translation is held for this verse.

येषाम् पश्चात् प्रपदानि पुरः पार्ष्णीः पुरो मुखा । खलजाः शकधूमजा उरुण्डा ये च मट्मटाः कुम्भमुष्का अयाशवः । तान् अस्या ब्रह्मणस् पते प्रतीबोधेन नाशय ॥१५॥

yeṣām paścāt prapadāni puraḥ pārṣṇīḥ puro mukhā | khalajāḥ śakadhūmajā uruṇḍā ye ca maṭmaṭāḥ kumbhamuṣkā ayāśavaḥ | tān asyā brahmaṇas pate pratībodhena nāśaya ||15||

Sanskrit only: no published translation is held for this verse.

पर्यस्ताक्षा अप्रचङ्कशा अस्त्रैणाः सन्तु पण्डगाः । अव भेषज पादय य इमां संविवृत्सत्य् अपतिः स्वपतिं स्त्रियम् ॥१६॥

paryastākṣā apracaṅkaśā astraiṇāḥ santu paṇḍagāḥ | ava bheṣaja pādaya ya imāṃ saṃvivṛtsaty apatiḥ svapatiṃ striyam ||16||

Sanskrit only: no published translation is held for this verse.

उद्धर्षिणं मुनिकेशं जम्भयन्तं मरीमृशम् । उपेषन्तम् उदुम्बलं तुण्डेलम् उत शालुडम् । पदा प्र विध्य पार्ष्ण्या स्थालीं गौर् इव स्पन्दना ॥१७॥

uddharṣiṇaṃ munikeśaṃ jambhayantaṃ marīmṛśam | upeṣantam udumbalaṃ tuṇḍelam uta śāluḍam | padā pra vidhya pārṣṇyā sthālīṃ gaur iva spandanā ||17||

Sanskrit only: no published translation is held for this verse.

यस् ते गर्भं प्रतिमृशाज् जातं वा मारयाति ते । पिङ्गस् तम् उग्रधन्वा कृणोतु हृदयाविधम् ॥१८॥

yas te garbhaṃ pratimṛśāj jātaṃ vā mārayāti te | piṅgas tam ugradhanvā kṛṇotu hṛdayāvidham ||18||

Sanskrit only: no published translation is held for this verse.

ये अम्नो जतान् मारयन्ति सूतिका अनुशेरते । स्त्रीभागान् पिङ्गो गन्धर्वान् वातो अभ्रम् इवाजतु ॥१९॥

ye amno jatān mārayanti sūtikā anuśerate | strībhāgān piṅgo gandharvān vāto abhram ivājatu ||19||

Sanskrit only: no published translation is held for this verse.

परिसृष्टं धरयतु यद् धितं माव पादि तत् । गर्भं त उग्रौ रक्षताम् भेषजौ नीविभार्यौ ॥२०॥ १५

parisṛṣṭaṃ dharayatu yad dhitaṃ māva pādi tat | garbhaṃ ta ugrau rakṣatām bheṣajau nīvibhāryau ||20|| 15

Sanskrit only: no published translation is held for this verse.

पवीनसात् तङ्गल्वाच् छायकाद् उत नग्नकात् । प्रजायै पत्ये त्वा पिङ्गः परि पातु किमीदिनः ॥२१॥

pavīnasāt taṅgalvāc chāyakād uta nagnakāt | prajāyai patye tvā piṅgaḥ pari pātu kimīdinaḥ ||21||

Sanskrit only: no published translation is held for this verse.

द्व्यास्याच् चतुरक्षात् पञ्चपदाद् अनङ्गुरेः । वृन्ताद् अभि प्रसर्पतः परि पाहि वरीवृतात् ॥२२॥

dvyāsyāc caturakṣāt pañcapadād anaṅgureḥ | vṛntād abhi prasarpataḥ pari pāhi varīvṛtāt ||22||

Sanskrit only: no published translation is held for this verse.

य आमं मांसम् अदन्ति पौरुषेयं च ये क्रविः । गर्भान् खादन्ति केशवास् तान् इतो नाशयामसि ॥२३॥

ya āmaṃ māṃsam adanti pauruṣeyaṃ ca ye kraviḥ | garbhān khādanti keśavās tān ito nāśayāmasi ||23||

Sanskrit only: no published translation is held for this verse.

ये सूर्यात् परिसर्पन्ति स्नुषेव श्वशुराद् अधि । बजश् च तेषां पिङ्गश् च हृदये ऽधि नि विध्यताम् ॥२४॥

ye sūryāt parisarpanti snuṣeva śvaśurād adhi | bajaś ca teṣāṃ piṅgaś ca hṛdaye 'dhi ni vidhyatām ||24||

Sanskrit only: no published translation is held for this verse.

पिङ्ग रक्ष जायमानं मा पुमांसं स्त्रियं क्रन् । आण्डादो गर्भान् मा दभन् बाधस्वेतः किमीदिनः ॥२५॥

piṅga rakṣa jāyamānaṃ mā pumāṃsaṃ striyaṃ kran | āṇḍādo garbhān mā dabhan bādhasvetaḥ kimīdinaḥ ||25||

Sanskrit only: no published translation is held for this verse.

अप्रजास्त्वं मार्तवत्सम् आद् रोदम् अघम् आवयम् । वृक्षाद् इव स्रजम् कृत्वाप्रिये प्रति मुञ्च तत् ॥२६॥ १६

aprajāstvaṃ mārtavatsam ād rodam agham āvayam | vṛkṣād iva srajam kṛtvāpriye prati muñca tat ||26|| 16

Sanskrit only: no published translation is held for this verse.