प्रजापतिश् च परमेष्ठी च शृङ्गे इन्द्रः शिरो अग्निर् ललाटं यमः कृकाटम् ॥१॥
prajāpatiś ca parameṣṭhī ca śṛṅge indraḥ śiro agnir lalāṭaṃ yamaḥ kṛkāṭam ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·9·9.7
Atharvaveda Saṃhitā (Śaunaka) 9.7
सोमो राजा मस्तिष्को द्यौर् उत्तरहनुः पृथिव्य् अधरहनुः ॥२॥
somo rājā mastiṣko dyaur uttarahanuḥ pṛthivy adharahanuḥ ||2||
Sanskrit only: no published translation is held for this verse.
विद्युज् जिह्वा मरुतो दन्ता रेवतिर् ग्रीवाः कृत्तिका स्कन्धा घर्मो वहः ॥३॥
vidyuj jihvā maruto dantā revatir grīvāḥ kṛttikā skandhā gharmo vahaḥ ||3||
Sanskrit only: no published translation is held for this verse.
विश्वं वायुः स्वर्गो लोकः कृष्णद्रं विधरणी निवेष्यः ॥४॥
viśvaṃ vāyuḥ svargo lokaḥ kṛṣṇadraṃ vidharaṇī niveṣyaḥ ||4||
Sanskrit only: no published translation is held for this verse.
श्येनः क्रोतो ऽन्तरिक्षं पाजस्यं बृहस्पतिः ककुद् बृहतीः कीकसाः ॥५॥
śyenaḥ kroto 'ntarikṣaṃ pājasyaṃ bṛhaspatiḥ kakud bṛhatīḥ kīkasāḥ ||5||
Sanskrit only: no published translation is held for this verse.
देवानां पत्नीः पृष्टय उपसदः पर्शवः ॥६॥
devānāṃ patnīḥ pṛṣṭaya upasadaḥ parśavaḥ ||6||
Sanskrit only: no published translation is held for this verse.
मित्रश् च वरुणश् चांसौ त्वष्टा चार्यमा च दोषणी महादेवो बाहू ॥७॥
mitraś ca varuṇaś cāṃsau tvaṣṭā cāryamā ca doṣaṇī mahādevo bāhū ||7||
Sanskrit only: no published translation is held for this verse.
इन्द्राणी भसद् वायुः पुछं पवमानो बालाः ॥८॥
indrāṇī bhasad vāyuḥ puchaṃ pavamāno bālāḥ ||8||
Sanskrit only: no published translation is held for this verse.
ब्रह्म च क्षत्रं च श्रोणी बलम् ऊरू ॥९॥
brahma ca kṣatraṃ ca śroṇī balam ūrū ||9||
Sanskrit only: no published translation is held for this verse.
धाता च सविता चाष्ठीवन्तौ जङ्घा गन्धर्वा अप्सरसः कुष्ठिका अदितिः शफाः ॥१०॥
dhātā ca savitā cāṣṭhīvantau jaṅghā gandharvā apsarasaḥ kuṣṭhikā aditiḥ śaphāḥ ||10||
Sanskrit only: no published translation is held for this verse.
चेतो हृदयं यकृन् मेधा व्रतं पुरीतत् ॥११॥
ceto hṛdayaṃ yakṛn medhā vrataṃ purītat ||11||
Sanskrit only: no published translation is held for this verse.
क्षुत् कुक्षिर् इरा वनिष्ठुः पर्वताः प्लाशयः ॥१२॥
kṣut kukṣir irā vaniṣṭhuḥ parvatāḥ plāśayaḥ ||12||
Sanskrit only: no published translation is held for this verse.
क्रोधो वृक्कौ मन्युर् आण्डौ प्रजा शेपः ॥१३॥
krodho vṛkkau manyur āṇḍau prajā śepaḥ ||13||
Sanskrit only: no published translation is held for this verse.
नदी सूत्री वर्षस्य पतय स्तना स्तनयित्नुर् ऊधः ॥१४॥
nadī sūtrī varṣasya pataya stanā stanayitnur ūdhaḥ ||14||
Sanskrit only: no published translation is held for this verse.
विश्वव्यचास् चर्मौषधयो लोमानि नक्षत्राणि रूपम् ॥१५॥
viśvavyacās carmauṣadhayo lomāni nakṣatrāṇi rūpam ||15||
Sanskrit only: no published translation is held for this verse.
देवजना गुदा मनुष्या आन्त्राण्य् अत्रा उदरम् ॥१६॥
devajanā gudā manuṣyā āntrāṇy atrā udaram ||16||
Sanskrit only: no published translation is held for this verse.
रक्षांसि लोहितम् इतरजना ऊबध्यम् ॥१७॥
rakṣāṃsi lohitam itarajanā ūbadhyam ||17||
Sanskrit only: no published translation is held for this verse.
अभ्रं पीबो मज्जा निधनम् ॥१८॥
abhraṃ pībo majjā nidhanam ||18||
Sanskrit only: no published translation is held for this verse.
अग्निर् आसीन उत्थितो ऽश्विना ॥१९॥
agnir āsīna utthito 'śvinā ||19||
Sanskrit only: no published translation is held for this verse.
इन्द्रः प्राङ् तिष्ठन् दक्षिणा तिष्ठन् यमः ॥२०॥
indraḥ prāṅ tiṣṭhan dakṣiṇā tiṣṭhan yamaḥ ||20||
Sanskrit only: no published translation is held for this verse.
प्रत्यङ् तिष्ठन् धातोदङ् तिष्ठन्त् सविता ॥२१॥
pratyaṅ tiṣṭhan dhātodaṅ tiṣṭhant savitā ||21||
Sanskrit only: no published translation is held for this verse.
तृणानि प्राप्तः सोमो राजा ॥२२॥
tṛṇāni prāptaḥ somo rājā ||22||
Sanskrit only: no published translation is held for this verse.
मित्र ईक्षमाण आवृत्त आनन्दः ॥२३॥
mitra īkṣamāṇa āvṛtta ānandaḥ ||23||
Sanskrit only: no published translation is held for this verse.
युज्यमानो वैश्वदेवो युक्तः प्रजापतिर् विमुक्तः सर्वम् ॥२४॥
yujyamāno vaiśvadevo yuktaḥ prajāpatir vimuktaḥ sarvam ||24||
Sanskrit only: no published translation is held for this verse.
एतद् वै विश्वरूपं सर्वरूपं गोरूपम् ॥२५॥
etad vai viśvarūpaṃ sarvarūpaṃ gorūpam ||25||
Sanskrit only: no published translation is held for this verse.
उपैनं विश्वरूपाः सर्वरूपाः पशवस् तिष्ठन्ति य एवं वेद ॥२६॥ २१
upainaṃ viśvarūpāḥ sarvarūpāḥ paśavas tiṣṭhanti ya evaṃ veda ||26|| 21
Sanskrit only: no published translation is held for this verse.