Library·Atharvavedaparisistas·1·1.10
हस्तेन चित्राम् आकाङ्क्षेन् नक्षत्रस्य परिग्रहम् । अनेकदर्शी स्याच् चित्रायां पुरा स्वातेर् अभिप्लवात् ॥
hastena citrām ākāṅkṣen nakṣatrasya parigraham | anekadarśī syāc citrāyāṃ purā svāter abhiplavāt ||
Sanskrit only: no published translation is held for this verse.
स्वातौ शिशून् नियोजयेज् जवार्थान् रथवाहिनः । अथास्मिन् [कन्याम्] उपवासयेत् क्षिप्रं सा लभते पतिम् ॥
svātau śiśūn niyojayej javārthān rathavāhinaḥ | athāsmin [kanyām] upavāsayet kṣipraṃ sā labhate patim ||
Sanskrit only: no published translation is held for this verse.
प्रदतीन् कारयन् राजा विशाखायां न रिष्यति । लेपयेत् प्रदती राजा अनूराधासु क्षत्रियः ॥
pradatīn kārayan rājā viśākhāyāṃ na riṣyati | lepayet pradatī rājā anūrādhāsu kṣatriyaḥ ||
Sanskrit only: no published translation is held for this verse.
ज्येष्ठायां हस्तिनं पश्येद् अभिषेकांश् च कारयेत् । ॥॥। राजपुत्रांश् च योधयेत् ॥
jyeṣṭhāyāṃ hastinaṃ paśyed abhiṣekāṃś ca kārayet | ..... rājaputrāṃś ca yodhayet ||
Sanskrit only: no published translation is held for this verse.
मूलेन परिखां खानयेत् पुरं चितेन योजयेत् । नैरृतं राजनक्षत्रं वध्यान् अनेन घातयेत् ॥
mūlena parikhāṃ khānayet puraṃ citena yojayet | nairṛtaṃ rājanakṣatraṃ vadhyān anena ghātayet ||
Sanskrit only: no published translation is held for this verse.
त्रिरात्रं सार्धं दीक्षयित्वा आषाढासु व्रतं चरेत् । अभिजित्य् अभियुञ्जीत श्रवणेन चिकीर्षतु ॥
trirātraṃ sārdhaṃ dīkṣayitvā āṣāḍhāsu vrataṃ caret | abhijity abhiyuñjīta śravaṇena cikīrṣatu ||
Sanskrit only: no published translation is held for this verse.
श्रविष्थाभिः सृजेद् रसान् ॥
śraviṣthābhiḥ sṛjed rasān ||
Sanskrit only: no published translation is held for this verse.
शतभिषजि भिषक्कर्म भैषज्यं चात्र कारयेत् । प्राचीनप्रोष्ठपदयोर् यायाद् ॥।
śatabhiṣaji bhiṣakkarma bhaiṣajyaṃ cātra kārayet | prācīnaproṣṭhapadayor yāyād ...
Sanskrit only: no published translation is held for this verse.
उत्तराभ्याम् अभियुञ्जीत गृहेषु रेवत्यां वसेत् । वि सेनां कारयेद् राजा अश्विन्यां भरणीषु च ॥
uttarābhyām abhiyuñjīta gṛheṣu revatyāṃ vaset | vi senāṃ kārayed rājā aśvinyāṃ bharaṇīṣu ca ||
Sanskrit only: no published translation is held for this verse.