Atharvavedaparisistas 1.27

दध्योदनं भुक्त्वा कृत्तिकाभिर् अभ्युदियात् सिद्धार्थो हैव पुनर् आगच्छति ॥

dadhyodanaṃ bhuktvā kṛttikābhir abhyudiyāt siddhārtho haiva punar āgacchati ||

Sanskrit only: no published translation is held for this verse.

आर्षभेन मांसेन रोहिण्यां मृगमांसैर् मृगशिरसि रुधिरम् आर्द्रायां गृहपतिभक्तं पुनर्वस्वोः घृतपायसं पुष्ये सर्पिर् मांसैर् अश्लेषासु

ārṣabhena māṃsena rohiṇyāṃ mṛgamāṃsair mṛgaśirasi rudhiram ārdrāyāṃ gṛhapatibhaktaṃ punarvasvoḥ ghṛtapāyasaṃ puṣye sarpir māṃsair aśleṣāsu

Sanskrit only: no published translation is held for this verse.

एतानि खलु प्राग्द्वाराणि नक्षत्राणि भवन्ति ॥

etāni khalu prāgdvārāṇi nakṣatrāṇi bhavanti ||

Sanskrit only: no published translation is held for this verse.

स यत्रैव प्राचीं दिशम् अभ्युत्थितः शस्त्रहस्तेन वा कण्ठहस्तेन वा वध्यघातेन वा समेयान् निवर्तेतार्वाक् खल्व् एतत् क्रोशाद् ऊर्ध्वं क्रोशाद् अव्याघातुकम् अर्थस्य भवति ॥

sa yatraiva prācīṃ diśam abhyutthitaḥ śastrahastena vā kaṇṭhahastena vā vadhyaghātena vā sameyān nivartetārvāk khalv etat krośād ūrdhvaṃ krośād avyāghātukam arthasya bhavati ||

Sanskrit only: no published translation is held for this verse.