Atharvavedaparisistas 1.38

यस्य देवा ब्रह्मचर्येण कर्मणा महासुरं तिग्मतयाभिचक्रिरे । तं सुबुधं देवगुरुं बृहस्पतिम् अर्चामि पुस्येण सहाभिपातु मा ॥

yasya devā brahmacaryeṇa karmaṇā mahāsuraṃ tigmatayābhicakrire | taṃ subudhaṃ devaguruṃ bṛhaspatim arcāmi pusyeṇa sahābhipātu mā ||

Sanskrit only: no published translation is held for this verse.

या न[[ः]] स्तुतः परिहिणोमि मेधया तप्यमानम् ऋषिभिः कामशोचिभिः । जरत्कारसूनोर् ऋषिभिर् मनीषिभिस् ता अश्लेषा अभिरक्षन्तु नोरगैः ॥

yā na[[ḥ]] stutaḥ parihiṇomi medhayā tapyamānam ṛṣibhiḥ kāmaśocibhiḥ | jaratkārasūnor ṛṣibhir manīṣibhis tā aśleṣā abhirakṣantu noragaiḥ ||

Sanskrit only: no published translation is held for this verse.

ये देवत्वं पुण्यकृतो ऽभिचक्रिरे ये चापरे ये च परे महर्षयः । अर्चामि सूनुर् यमराजगान् पितॄंश् छिवाः क्रियाः कृणुतां च नो मघा ॥

ye devatvaṃ puṇyakṛto 'bhicakrire ye cāpare ye ca pare maharṣayaḥ | arcāmi sūnur yamarājagān pitṝṃś chivāḥ kriyāḥ kṛṇutāṃ ca no maghā ||

Sanskrit only: no published translation is held for this verse.

यो योजयन् कर्मणा चर्षणीधृतो भूमिं चेति भग[[ः प्रजाः]] प्रसादयन् । तद्देवत्ये शिवतमाम् अलंकृते फल्गुन्योर् ईडे भजनं च पूर्वयोः ॥

yo yojayan karmaṇā carṣaṇīdhṛto bhūmiṃ ceti bhaga[[ḥ prajāḥ]] prasādayan | taddevatye śivatamām alaṃkṛte phalgunyor īḍe bhajanaṃ ca pūrvayoḥ ||

Sanskrit only: no published translation is held for this verse.

स्तुतं पूर्वैर् अर्यमणं मनीषिभिः स्तौमि देवं जगति वाचम् एरयन् । तद्देवत्ये शिवतमाम् अलंकृते फल्गुन्यौ न उत्तरे देवतातये ॥

stutaṃ pūrvair aryamaṇaṃ manīṣibhiḥ staumi devaṃ jagati vācam erayan | taddevatye śivatamām alaṃkṛte phalgunyau na uttare devatātaye ||

Sanskrit only: no published translation is held for this verse.