Atharvavedaparisistas 1.39

श्[य्]आवैर् युक्तः शितिपाद् धिरण्ययो यस्य रथः पथिभिर् वर्तते सुखैः । स नो हस्तेन सविता हिरण्यभुग् घिरण्यपाणिः सविता [नो] ऽभिरक्षतु ॥

ś[y]āvair yuktaḥ śitipād dhiraṇyayo yasya rathaḥ pathibhir vartate sukhaiḥ | sa no hastena savitā hiraṇyabhug ghiraṇyapāṇiḥ savitā [no] 'bhirakṣatu ||

Sanskrit only: no published translation is held for this verse.

त्वष्ट्रे नमः क्षितिसृजे मनीषिणे भूतगोप्त्रे परमकर्मकारिणे । सा न[[ः]] स्तुता कृणुतां कर्मसिद्धये चित्रां देवी सह योगेन रूपभृत् ॥

tvaṣṭre namaḥ kṣitisṛje manīṣiṇe bhūtagoptre paramakarmakāriṇe | sā na[[ḥ]] stutā kṛṇutāṃ karmasiddhaye citrāṃ devī saha yogena rūpabhṛt ||

Sanskrit only: no published translation is held for this verse.

यः प्राणिनां जीवयन् खानि सेवते शिवो भूत्वा मातरिश्वा रसाग्रभुक् । ध्वजो ऽन्तरिक्षस्य स सर्वभूतभृद् वायुर् देवः स्वातिना नो ऽभिरक्षतु ॥

yaḥ prāṇināṃ jīvayan khāni sevate śivo bhūtvā mātariśvā rasāgrabhuk | dhvajo 'ntarikṣasya sa sarvabhūtabhṛd vāyur devaḥ svātinā no 'bhirakṣatu ||

Sanskrit only: no published translation is held for this verse.

याव् ईडिताव् आत्मविद्भिर् मणीषिभिः सहितौ [यौ] त्रीणि सवनानि सामगौ । इन्द्राग्नी वरदौ नमस्कृतौ विशाखयोः कुर्वताम् आयुषे श्रीः ॥

yāv īḍitāv ātmavidbhir maṇīṣibhiḥ sahitau [yau] trīṇi savanāni sāmagau | indrāgnī varadau namaskṛtau viśākhayoḥ kurvatām āyuṣe śrīḥ ||

Sanskrit only: no published translation is held for this verse.

विश्वे देवा यम् ऋषिम् आहुर् मित्रं भरद्वाजम् ऋषितः प्रसामवित् । तं जगत्या गाथया स्तौम्य् उग्रैः स माम् अनूराधाभिर् [भृतकण्वो] ऽभिरक्षतु ॥

viśve devā yam ṛṣim āhur mitraṃ bharadvājam ṛṣitaḥ prasāmavit | taṃ jagatyā gāthayā staumy ugraiḥ sa mām anūrādhābhir [bhṛtakaṇvo] 'bhirakṣatu ||

Sanskrit only: no published translation is held for this verse.