Atharvavedaparisistas 1.4

कृत्तिका अग्निदेवत्या रोहिण्यां तु प्रजापतिः । सौम्यं मृगशिरं विद्यान् मरुतश् चात्र दैवतम् ॥

kṛttikā agnidevatyā rohiṇyāṃ tu prajāpatiḥ | saumyaṃ mṛgaśiraṃ vidyān marutaś cātra daivatam ||

Sanskrit only: no published translation is held for this verse.

रुद्रस्यार्द्रादितेः पुनर्वसू पुष्ये विद्याद् बृहस्पतिम् । अश्लेषा[[ः]] सर्पदैवत्या मघासु पितरः स्मृताः ॥

rudrasyārdrāditeḥ punarvasū puṣye vidyād bṛhaspatim | aśleṣā[[ḥ]] sarpadaivatyā maghāsu pitaraḥ smṛtāḥ ||

Sanskrit only: no published translation is held for this verse.

भगस् [तु] पूर्वयोः फल्गुन्योर् अर्यमोत्तरयोर् अपि । हस्ते च सविता दैवं चित्रा तु त्वष्टृदैवता ॥

bhagas [tu] pūrvayoḥ phalgunyor aryamottarayor api | haste ca savitā daivaṃ citrā tu tvaṣṭṛdaivatā ||

Sanskrit only: no published translation is held for this verse.

स्वातौ तु दैवतं वायुर् इन्द्राग्नी तु विशाखयोः । अनुराधासु मित्रो वै ज्येष्ठायाम् इन्द्रमहादेवौ ॥

svātau tu daivataṃ vāyur indrāgnī tu viśākhayoḥ | anurādhāsu mitro vai jyeṣṭhāyām indramahādevau ||

Sanskrit only: no published translation is held for this verse.

अहिर् बुध्न्यश् च मूलस्य निरृतिश् चात्र दैवतम् । आपः पूर्वास्व् अषाढासु विश्वे देवास् तथोत्तरे ॥

ahir budhnyaś ca mūlasya nirṛtiś cātra daivatam | āpaḥ pūrvāsv aṣāḍhāsu viśve devās tathottare ||

Sanskrit only: no published translation is held for this verse.

अभिजिद् ब्रह्मदेवत्यः श्रवणे विष्णुर् उच्यते । श्रविष्ठा वसुदेवत्या शतभिषग् वरुणेन्द्रयोः ॥

abhijid brahmadevatyaḥ śravaṇe viṣṇur ucyate | śraviṣṭhā vasudevatyā śatabhiṣag varuṇendrayoḥ ||

Sanskrit only: no published translation is held for this verse.

अज एकपाद् दिशश् च आदित्यश् च तथोत्तरे । रेवती पूषदैवत्या अश्विन्याम् अश्विनौ स्मृतौ ॥

aja ekapād diśaś ca ādityaś ca tathottare | revatī pūṣadaivatyā aśvinyām aśvinau smṛtau ||

Sanskrit only: no published translation is held for this verse.

भरण्यो यमदेवत्या देवताः संप्रकीर्तिताः ॥

bharaṇyo yamadevatyā devatāḥ saṃprakīrtitāḥ ||

Sanskrit only: no published translation is held for this verse.