Atharvavedaparisistas 1.40

शतक्रतुर् यो निजघान शम्बरं वृत्रं च हत्वा सरितः प्रसर्जत[ः] । स नः स्तुतः प्रीतमनाः पुरंदरो मरुत्सखा ज्येष्ठया नो ऽभिरक्षतु ॥

śatakratur yo nijaghāna śambaraṃ vṛtraṃ ca hatvā saritaḥ prasarjata[ḥ] | sa naḥ stutaḥ prītamanāḥ puraṃdaro marutsakhā jyeṣṭhayā no 'bhirakṣatu ||

Sanskrit only: no published translation is held for this verse.

या धारयत्य् ओजसातिदेवपदं माता पृथिवी च सा सर्वभूतभृत् । सा न[[ः]] स्तुता कृणुतां कर्मसिद्धये मूलं देवी निरृतिः सर्वकर्मसु ॥

yā dhārayaty ojasātidevapadaṃ mātā pṛthivī ca sā sarvabhūtabhṛt | sā na[[ḥ]] stutā kṛṇutāṃ karmasiddhaye mūlaṃ devī nirṛtiḥ sarvakarmasu ||

Sanskrit only: no published translation is held for this verse.

पर्जन्यसृष्टास् तिसृणीभिर् आवृतं यास् तर्पयन्त्य् अभितः प्रवृद्धये । ता[[ः]] स्तौम्य् आपो वारुणीः ॥। पूर्वा आषाढा स्वधयास्तु योजने ॥

parjanyasṛṣṭās tisṛṇībhir āvṛtaṃ yās tarpayanty abhitaḥ pravṛddhaye | tā[[ḥ]] staumy āpo vāruṇīḥ ... pūrvā āṣāḍhā svadhayāstu yojane ||

Sanskrit only: no published translation is held for this verse.

यास् त्रिंशतं त्रींश् च मदन्ति देवा देवनाम्नो निर्मिता[[ं]]श् च भूयसः । ता नो ऽषाढा उत्तरा वसो विश्वे [[शिवाः]] क्रियाः कृणुतां सुरमताः ॥

yās triṃśataṃ trīṃś ca madanti devā devanāmno nirmitā[[ṃ]]ś ca bhūyasaḥ | tā no 'ṣāḍhā uttarā vaso viśve [[śivāḥ]] kriyāḥ kṛṇutāṃ suramatāḥ ||

Sanskrit only: no published translation is held for this verse.

यः सर्वज्ञः सर्वकृत् सर्वभूतभृद् यस्माद् अन्यन् न परं किं चनास्ति । अनिर्मितः सत्यजितः पुरुष्टुतः स नो ब्रह्माभिजिता नो ऽभिरक्षतु ॥

yaḥ sarvajñaḥ sarvakṛt sarvabhūtabhṛd yasmād anyan na paraṃ kiṃ canāsti | anirmitaḥ satyajitaḥ puruṣṭutaḥ sa no brahmābhijitā no 'bhirakṣatu ||

Sanskrit only: no published translation is held for this verse.