कृत्तिकाभिः शिरीषस्य अश्वत्थस्य वटस्य च । स्नापयेत् पत्त्रभङ्गेन य इच्छेद् राजपूजितम् ॥
kṛttikābhiḥ śirīṣasya aśvatthasya vaṭasya ca | snāpayet pattrabhaṅgena ya icched rājapūjitam ||
Sanskrit only: no published translation is held for this verse.
Library·Atharvavedaparisistas·1·1.43
Atharvavedaparisistas 1.43
रोहिण्यां स्नापयेद् वैश्यं सर्वबीजैर् अलंकृतम् । अक्षतान् अन्तरं कृत्वा तथा सौभाग्यम् अर्हति ॥
rohiṇyāṃ snāpayed vaiśyaṃ sarvabījair alaṃkṛtam | akṣatān antaraṃ kṛtvā tathā saubhāgyam arhati ||
Sanskrit only: no published translation is held for this verse.
यदा मृगशिरो युज्येत् तदा स्नानं विधीयते । मुक्तामणिसुवर्णेन धनार्थी तेन स्नापयेत् ॥
yadā mṛgaśiro yujyet tadā snānaṃ vidhīyate | muktāmaṇisuvarṇena dhanārthī tena snāpayet ||
Sanskrit only: no published translation is held for this verse.
श्रीवेष्टकसर्जरसतगरोशीरपत्त्रकैः । आर्द्रायां वणिजः स्नाताः सुलाभांस् तु लभन्ति ते ॥
śrīveṣṭakasarjarasatagarośīrapattrakaiḥ | ārdrāyāṃ vaṇijaḥ snātāḥ sulābhāṃs tu labhanti te ||
Sanskrit only: no published translation is held for this verse.
पुनर्वसुभ्यां गोमार्गाद् आहरेद् अग्रमृत्तिकाम् । गोपीठे स्नापयेद् गो ऽर्थी क्षिप्रं गोमान् भविष्यति ॥
punarvasubhyāṃ gomārgād āhared agramṛttikām | gopīṭhe snāpayed go 'rthī kṣipraṃ gomān bhaviṣyati ||
Sanskrit only: no published translation is held for this verse.
रक्तशालिसहस्रेण तावद्भिर् गौरसर्षपैः । सहस्रवीर्यानन्त्या च मदयन्तीप्रियङ्गुभिः । त्रीन् पुष्यान् ब्राह्मणः स्नातः पार्थिवं लभते यशः ॥
raktaśālisahasreṇa tāvadbhir gaurasarṣapaiḥ | sahasravīryānantyā ca madayantīpriyaṅgubhiḥ | trīn puṣyān brāhmaṇaḥ snātaḥ pārthivaṃ labhate yaśaḥ ||
Sanskrit only: no published translation is held for this verse.
अश्लेषास्व् आहारयेद् उभयतः कूलमृत्तिकाः । [अश्व्]आरोहं स्नापयेत् तेन क्षिप्रवाही भविष्यति ॥
aśleṣāsv āhārayed ubhayataḥ kūlamṛttikāḥ | [aśv]ārohaṃ snāpayet tena kṣipravāhī bhaviṣyati ||
Sanskrit only: no published translation is held for this verse.
मघाभिस् तु तिलैः स्नायाद् उत्पलैः कमलैस् तथा । तस्मिंस् तु मासे सा कन्या क्षिप्रं च लभते पतिम् ॥
maghābhis tu tilaiḥ snāyād utpalaiḥ kamalais tathā | tasmiṃs tu māse sā kanyā kṣipraṃ ca labhate patim ||
Sanskrit only: no published translation is held for this verse.
अथ पूर्वयोः फल्गुन्योः शतपुष्पा प्रियङ्गवः । मध्व् एव च तृतीयं स्यात् सौभाग्यं भोगवर्धनम् ॥
atha pūrvayoḥ phalgunyoḥ śatapuṣpā priyaṅgavaḥ | madhv eva ca tṛtīyaṃ syāt saubhāgyaṃ bhogavardhanam ||
Sanskrit only: no published translation is held for this verse.
अथोत्तरयोः फल्गुन्योर् अक्षता गौरसर्षपाः । एतत् स्नानं प्रयुञ्जीत प्रजास्थापनम् उत्तमम् ॥
athottarayoḥ phalgunyor akṣatā gaurasarṣapāḥ | etat snānaṃ prayuñjīta prajāsthāpanam uttamam ||
Sanskrit only: no published translation is held for this verse.